കരുതാം കൈകോർക്കാം, ലഹരിക്കെതിരെ’ ; ബോധവത്കരണ പരിപാടി നാളെ

ജുബൈൽ: ഇന്ത്യൻ ഇസ്​ലാഹി സെന്ററിന്റെ യുവജന വിഭാഗവും സുബൈർ കുഞ്ഞ്​ ഫൗണ്ടേഷ​​​​ന്റെ ലഹരി വിരുദ്ധ ബോധവത്കരണ ഘടകമായ റിയാദ് ഇനിഷ്യേറ്റീവ് എഗൈൻസ്​റ്റ്​ സബ്​സ്​റ്റൻസ് അബ്യൂനും (റിസ) സംയുക്തമായി ‘കരുതാം കൈകോർക്കാം, ലഹരിക്കെതിരെ’ എന്ന പേരിൽ പരിപാടി സംഘടിപ്പിക്കുന്നു.

വെള്ളിയാഴ്ച വൈകീട്ട്​ ആറ്​ മുതൽ ഒമ്പത്​ വരെ ജുബൈൽ പുളി റെസ്​റ്റോറൻറ്​ ഓഡിറ്റോറിയത്തിലാണ് പരിപാടി. മദ്യം, മയക്കുമരുന്ന്​ ഉപയോഗത്തി​​​​െൻറ കെടുതികൾ, അവയിലേക്ക്​ എത്തിപ്പെടാനുള്ള വഴികൾ, സാഹചര്യങ്ങൾ എന്നിവയെ കുറിച്ചും ലഹരിക്ക്​ അടിപ്പെട്ടുപോയവർക്കുള്ള പുനരവധിവാസ മാർഗങ്ങളെ സംബന്ധിച്ചും ക്ലാസുകൾ നടക്കും.

ഡോ. അബ്​ദുൽ അസീസ്, ഡോ. രാജു വർഗീസ് എന്നിവരും മതപണ്ഡിതന്മാരും പരിപാടിയിൽ പങ്കെടുക്കും. ഡോ. മുഹമ്മദ് ഫാറൂഖ് ചെയർമാനും അയ്യൂബ് സുല്ലമി ജനറൽ കൺവീനറുമായുള്ള സ്വാഗത സംഘം പരിപാടിക്ക്​ നേതൃത്വം നൽകും. ഹബീബ് റഹ്​മാൻ, ആശിഖ് മാത്തോട്ടം, ഷമീർ യൂസുഫ്, മുഹമ്മദ് കബീർ സലഫി, മുഹമ്മദുണ്ണി, സിദ്ദീഖ് കളത്തിൽ, ജലാലുദ്ദീൻ അഹമ്മദ്, അബ്​ദുനാസിർ മേലേവീട്ടിൽ, നിസാറുദ്ദീൻ ഉമർ, ജാനിസ് ജബ്ബാർ, നസ്വീഫ് ബിൻ കബീർ, അബ്​ദുസ്സലാം അബ്​ദുൽ റഷീദ് മുഹന്നദ്, മുഹമ്മദ് ശരീഫ്, അമീർ അസ്ഹർ, അജാസ് മുകളേൽ, അബ്​ദുറഹ്​മാൻ ബാതൂഖ്, ഗസാലി ബറാമി, ബഷീര് ചേളന്നൂർ, മുസ്തഫ കോഴിക്കോട്, മുദ്ദസിർ, അഷ്റഫ് താനൂർ, റിയാസ് വേങ്ങര എന്നിവർ വിവിധ വിഭാഗം കൺവീനർമാരാണ്​. വിവരങ്ങൾക്ക് 0501935375, 0509747741 എന്നീ നമ്പറുകളിൽ ബന്ധപ്പെടാം.

Comments are closed.