മണമ്പൂർ ആശുപത്രിയിൽ അക്രമികൾ ഏറ്റുമുട്ടിയ സംഭവം; അഞ്ചുപേർ റിമാൻഡിൽ

ഇക്കഴിഞ്ഞ വെള്ളിയാഴ്ച ഉച്ചയ്ക്ക് രണ്ടിനാണ് അക്രമികൾ ഏറ്റുമുട്ടിയത്. കടയ്ക്കാവൂർ പോലീസ് സ്റ്റേഷൻ പരിധിയിൽ ഗുണ്ടാസംഘങ്ങൾ തമ്മിൽ അടിപിടികൂടിയിരുന്നു. ഇതിൽ പരിക്കേറ്റ രണ്ടുപേരാണ് മണമ്പൂർ സി.എച്ച്.സി.യിൽ ചികിത്സയ്ക്ക് എത്തിയത്. പിന്നാലെ എത്തിയ എതിർസംഘം ആശുപത്രിയിൽ ചികിത്സതേടി എത്തിയവരെയും കൂടെയുണ്ടായിരുന്നവരെയും മർദിക്കാൻ ശ്രമിച്ചു. അതോടെ കൂട്ടയടിയായി. ഡോക്ടർമാർ ഉൾപ്പെടെ ജീവനക്കാരും രോഗികളും ഭയന്ന് നിലവിളിച്ചു.