തലസ്ഥാനത്ത് വൻ കഞ്ചാവ് വേട്ട; നാല് പേർ കസ്റ്റഡിയിൽ

വ്യാഴാഴ്ച ഉച്ചയ്ക്ക് രണ്ട് മണിയോടെയാണ് സംഘം പിടിയിലായത്. സംഭവത്തിൽ തിരുവനന്തപുരം സ്വദേശികളായ ജസീം, സജീർ, റാഫി, മുജീബ് എന്നിവരെ എക്സെെസ് കസ്റ്റഡിയിലെടുത്തു. രണ്ട് കാറുകളും പിടിച്ചെടുത്തിട്ടുണ്ട്.

എക്സെെസിന് ലഭിച്ച രഹസ്യവിവരത്തെത്തുടർന്ന് നടത്തിയ പരിശോധനയിലാണ് കഞ്ചാവ് പിടിച്ചത്. ആന്ധ്രയിൽ നിന്നാണ് ഇവർ കഞ്ചാവ് എത്തിച്ചത്. ജില്ലയിൽ ചെറിയ പൊതികളിലാക്കി വിൽപന നടത്തുന്നതിനാണ് കഞ്ചാവ് എത്തിച്ചതെന്നാണ് വിവരം.