മുഖംമൂടി ധരിച്ച് പ്രാങ്ക്; പെൺകുട്ടികളോട് മോശമായി പെരുമാറിയ യുവാക്കൾ പോലീസ് കസ്റ്റഡിയിൽ
തിരുവനന്തപുരം: പ്രാങ്കിന്റെ മറവിൽ പെൺകുട്ടികളോട് മോശമായി പെരുമാറിയ യുവാക്കൾ പോലീസ് പിടിയിൽ. നെയ്യാറ്റിൻകരയിലാണ് സംഭവം നടന്നത്. ആനാവൂർ സ്വദേശിയായ മിഥുൻ, പാലിയോട് സ്വദേശി കണ്ണൻ തുടങ്ങിയവരാണ് പിടിയിലായത്.
നെയ്യാറ്റിൻകര കോൺവെന്റ് റോഡിൽ വച്ചാണ് ഇവർ പെൺകുട്ടികളോട് മോശമായി പെരുമാറിയത്. മുഖം മൂടി ധരിച്ചെത്തി സ്‌കൂൾ വിദ്യാർത്ഥിനികളെ സമ്മതം ഇല്ലാതെ സ്പർശിക്കുകയായിരുന്നു. നാട്ടുകാരാണ് സിസിടിവി ദൃശ്യങ്ങൾ ഉൾപ്പെടെ ചേർത്ത് പോലീസിൽ പരാതി നൽകിയത്.