മാലക്കര ആൽത്തറ ജംക്‌ഷനിൽ എക്സൈസ് നടത്തിയ വാഹന പരിശോധനയിൽ കഞ്ചാവ് പിടികൂടി
ആറന്മുള ∙ മാലക്കര ആൽത്തറ ജംക്‌ഷനിൽ എക്സൈസ് നടത്തിയ വാഹന പരിശോധനയിൽ കഞ്ചാവ് പിടികൂടി. ബംഗാൾ സ്വദേശി സാഹിദുൾ ഇസ്‌ലാമിൽ നിന്നാണ് 1.150 കിലോ കഞ്ചാവ് പിടിച്ചത്. അസമിൽ നിന്ന് ഓണത്തോടനുബന്ധിച്ച് വിതരണത്തിനായി കഞ്ചാവ് കൊണ്ടുവരുന്നതായി എക്സൈസ് ഇന്റലിജൻസ് വിഭാഗം വിവരം നൽകിയതിന്റെ അടിസ്ഥാനത്തിലായിരുന്നു പരിശോധന.
പത്തനംതിട്ട കുലശേഖരപതി ഭാഗത്ത് തൊഴിലാളികളുടെ ഇടയിൽ സ്ഥിരമായി കഞ്ചാവ് വിതരണം ചെയ്യുന്നയാളാണ് സാഹിദുൾ ഇസ്‌ലാമെന്ന് ഉദ്യോഗസ്ഥർ പറഞ്ഞു. എക്സൈസ് സർക്കിൾ ഇൻസ്പെക്ടർ എസ്. ഷാജി, പ്രിവന്റീവ് ഓഫിസർമാരായ എസ്. സുരേഷ് കുമാർ, വി.കെ. സുരേഷ്, സിവിൽ എക്സൈസ് ഓഫിസർ എം.എൻ. അനോഷ്,സതീശൻ എന്നിവരുടെ സംഘമാണ് പരിശോധന നടത്തിയത്.