ല​ഹ​രി​ക്കെ​തി​രെ വ്യാ​പ​ക ന​ട​പ​ടി​യു​മാ​യി കൊ​ല്ലം സി​റ്റി പൊ​ലീ​സ്

കൊ​ല്ലം: ല​ഹ​രി​ക്കെ​തി​രെ വ്യാ​പ​ക ന​ട​പ​ടി​യു​മാ​യി കൊ​ല്ലം സി​റ്റി പൊ​ലീ​സ്. ഈ ​വ​ർ​ഷം ഇ​തു​വ​രെ സി​റ്റി പ​രി​ധി​യി​ൽ ല​ഹ​രി ഉ​പ​യോ​ഗി​ച്ച​തു​മാ​യി ബ​ന്ധ​പ്പെ​ട്ട് 334 കേ​സു​ക​ളും ല​ഹ​രി വ്യാ​പാ​ര​വു​മാ​യി ബ​ന്ധ​പ്പെ​ട്ട് 127 എ​ൻ.​ഡി.​പി.​എ​സ്​ കേ​സു​ക​ളും ഉ​ൾ​പ്പെ​ടെ 461 കേ​സു​ക​ൾ ര​ജി​സ്റ്റ​ർ ചെ​യ്തു. ഇ​തി​ൽ സി​ന്ത​റ്റി​ക് മ​യ​ക്കു​മ​രു​ന്നു​ക​ൾ അ​ന്യ​സം​സ്ഥാ​ന​ങ്ങ​ളി​ൽ​നി​ന്ന്​ എ​ത്തി​ച്ച് വി​ത​ര​ണം ന​ട​ത്താ​ൻ ശ്ര​മി​ച്ച കു​റ്റ​ത്തി​ന് 24 കേ​സു​ക​ളാ​ണ് ര​ജി​സ്റ്റ​ർ ചെ​യ്ത​ത്. ആ​കെ 474 പ്ര​തി​ക​ളാ​ണ് ഈ ​വ​ർ​ഷം മാ​ത്രം സി​റ്റി പൊ​ലീ​സ്​ ന​ട​ത്തി​യ ല​ഹ​രി വേ​ട്ട​യി​ൽ പി​ടി​യി​ലാ​യ​ത്. സി​ന്ത​റ്റി​ക് മ​യ​ക്കു​മ​രു​ന്നാ​യ എം.​ഡി.​എം.​എ 1.041 കി​ലോ​യും 16.587 കി​ലോ ക​ഞ്ചാ​വും 17 ക​ഞ്ചാ​വ് ചെ​ടി​ക​ളും പി​ടി​കൂ​ടി.

ക​രു​നാ​ഗ​പ്പ​ള്ളി പൊ​ലീ​സ്​ സ്റ്റേ​ഷ​ൻ പ​രി​ധി​യി​ൽ ഈ ​വ​ർ​ഷം പി​ടി​കൂ​ടി​യ 728.42 ഗ്രാം ​എം.​ഡി.​എം.​എ ആ​ണ് കൊ​ല്ലം സി​റ്റി പൊ​ലീ​സ്​ പി​ടി​കൂ​ടു​ന്ന ഏ​റ്റ​വും ഉ​യ​ർ​ന്ന അ​ള​വ്. ജി​ല്ല​യി​ൽ ല​ഹ​രി വ്യാ​പാ​ര​വും ഉ​പ​യോ​ഗ​വും ത​ട​യു​ന്ന​തി​ന്‍റെ ഭാ​ഗ​മാ​യി സ്ഥി​ര​മാ​യി ല​ഹ​രി വ്യാ​പാ​ര​ത്തി​ൽ ഏ​ർ​പ്പെ​ടു​ന്ന പ​ത്ത് കു​റ്റ​വാ​ളി​ക​ൾ​ക്കെ​തി​രെ കാ​പ നി​യ​മ​പ്ര​കാ​രം ന​ട​പ​ടി സ്വീ​ക​രി​ച്ചു. ഇ​തി​ൽ എ​ട്ടു​പേ​രെ ക​രു​ത​ൽ ത​ട​ങ്ക​ലി​ലാ​ക്കി. ഒ​രാ​ളെ നാ​ടു​ക​ട​ത്തി. ഒ​രാ​ൾ​ക്കെ​തി​രെ സ​ഞ്ച​ല​ന നി​യ​ന്ത്ര​ണം ഏ​ർ​പ്പെ​ടു​ത്തി. ല​ഹ​രി വ്യാ​പാ​ര​ത്തി​ലൂ​ടെ സ​മ്പാ​ദി​ച്ച സ്വ​ത്തു​വ​ക​ക​ൾ പി​ടി​ച്ചെ​ടു​ക്കാ​നാ​യി നാ​ല്​ പ്ര​തി​ക​ളു​ടെ പേ​രി​ലു​ള്ള വാ​ഹ​ന​ങ്ങ​ൾ പി​ടി​ച്ചെ​ടു​ക്കാ​നും ബാ​ങ്ക് അ​ക്കൗ​ണ്ട്​ ഫ്രീ​സ്​ ചെ​യ്യാ​നു​മു​ള്ള ന​ട​പ​ടി സ്വീ​ക​രി​ച്ചു​ക​ഴി​ഞ്ഞു. മ​യ​ക്കു​മ​രു​ന്നി​ന്‍റെ അ​ന​ധി​കൃ​ത ക​ട​ത്ത​ൽ ത​ട​യു​ന്ന​തി​ന്‍റെ ഭാ​ഗ​മാ​യി അ​ഞ്ച്​ പേ​ർ​ക്കെ​തി​രെ ക​രു​ത​ൽ ത​ട​ങ്ക​ലി​ന് ഉ​ത്ത​ര​വാ​യി​ട്ടു​ണ്ട്.