പെൺകുട്ടിയോട് മോശം പെരുമാറ്റം; രണ്ടുപേർ അറസ്റ്റിൽ
ഒല്ലൂർ: പെൺകുട്ടിയോട് അശ്ലീല ആംഗ്യം കാണിക്കുകയും ആക്രമിക്കാൻ ശ്രമം നടത്തുകയും ചെയ്ത യുവാക്കളെ ഒല്ലൂർ പോലീസ് പിടികൂടി. ചിറ്റിശേരി സ്വദേശി ആൽഫിൻ (29), ഇരിങ്ങാലക്കുട സ്വദേശി ജിബിന്‍ (25) തുടങ്ങിയവരാണ് പിടിയിലായത്‌. 27ന് നടത്തറയിലായിരുന്നു സംഭവം നടന്നത്. വീട്ടിലേക്ക് നടന്നുപോവുകയായിരുന്ന പെൺകുട്ടിയെ ആണ് പ്രതികള്‍ അധിക്ഷേപിച്ചത്.
പെണ്‍കുട്ടിയുടെ സമീപത്തേക്ക് സൈക്കിളിലെത്തിയ ഇരുവരും അശ്ലീല ആംഗ്യം കാണിക്കുകയും അസഭ്യവർഷം നടത്തുകയും പിടിക്കാൻ ശ്രമം നടത്തുകയുമായിരുന്നു. ആല്‍ഫിനെതിരെ വേറെയും കേസുകളുണ്ടെന്ന് പോലീസ് അറിയിച്ചു. ഒല്ലൂർ എസ്എച്ച്ഒ ബെന്നി ജേക്കബ്, എസ്ഐ ഫയാസ്, എസ്.സി.പി.ഒ ഷിജു, സി.പി.ഒ അഭീഷ് ആന്റണി തുടങ്ങിയവരാണ് പ്രതിയെ പിടികൂടിയത്.