പാർലമെന്റിലെ തുടർ നടപടികൾ ചർച്ച ചെയ്യാൻ പ്രതിപക്ഷ പാർട്ടി കൂട്ടായ്മ ഇന്നും യോഗം ചേരും

ന്യൂഡെൽഹി:  പാർലമെന്റിലെ തുടർ നടപടികൾ ചർച്ച ചെയ്യാൻ പ്രതിപക്ഷ പാർട്ടി കൂട്ടായ്മ ഇന്നും യോഗം ചേരും. അവിശ്വാസ പ്രമേയ ചർച്ച 8 മുതൽ ആരംഭിയ്ക്കുന്ന സാഹചര്യത്തിലാണ് യോഗം ചേരുന്നത്.

അവിശ്വാസ പ്രമേയ ചർച്ച 8 വരെ വൈകിച്ച് സഭയിലെ നിയമനിർമ്മാണ അജണ്ടകൾ പൂർത്തിയാക്കാനുള്ള സർക്കാർ നീക്കം യോഗം പരിഗണിയ്ക്കും.

മണിപ്പൂർ വിഷയത്തിൽ ഇന്നലെ ഇന്ത്യാ കൂട്ടായ്മ രാഷ്ട്രപതിയെ കണ്ടിരുന്നു. ഇക്കാര്യവും യോഗം വിലയിരുത്തും. പാർലമെന്റ് സമ്മേളിയ്ക്കുന്നതിന് മുൻപായാകും യോഗം ചേരുക.

മുതിർന്ന കേന്ദ്രമന്ത്രിമാർ പ്രധാനമന്ത്രിയുടെ നേതൃത്വത്തിൽ പാർലമെന്റിലാകും കൂടിക്കാഴ്ച നടത്തുക.