ഗള്‍ഫില്‍ ഏറ്റവും കൂടുതല്‍ വേതനമുള്ള രാജ്യമായി ഖത്തര്‍
ഗള്‍ഫില്‍ ഏറ്റവും കൂടുതല്‍ വേതനമുള്ള രാജ്യമായി ഖത്തര്‍. 3.40 ലക്ഷം രൂപയാണ് ഖത്തറിലെ ശരാശരി വേതനം. ആഗോള തലത്തില്‍ ഖത്തര്‍ ആറാം സ്ഥാനത്താണ്
ഓണ്‍ലൈന്‍ സ്റ്റാറ്റിസ്റ്റിക്സ് വെബ്സൈറ്റായ നംബിയോയാണ് ശരാശരി വേതനം അടിസ്ഥാനമാക്കിയുള്ള ലോകരാജ്യങ്ങളുടെ പട്ടിക തയ്യാറാക്കിയത്. ഗള്‍ഫ് രാജ്യങ്ങളില്‍ ഏറ്റവും കൂടുതല്‍ ശമ്പളം നല്‍കുന്ന രാജ്യമാണ് ഖത്തര്‍.
4130.45 യുഎസ് ഡോളര്‍ അതായത് മൂന്ന് ലക്ഷത്തിന് നാല്‍പതിനായിരം രൂപയിലേറെ വരും ഖത്തറിലെ പ്രതിമാസ ശരാശരി വേതനം. സ്വിറ്റ്സര്‍ലന്‍ഡ് ആണ് പട്ടികയില്‍ മുന്നില്‍. അഞ്ച് ലക്ഷം ഇന്ത്യന്‍ രൂപയിലധികം വരും ശമ്പളം. ലക്സംബര്‍ഗ് രണ്ടാം സ്ഥാനത്തും സിങ്കപ്പൂര്‍ മൂന്നാം സ്ഥാനത്തുമാണ്. അമേരിക്കയാണ് നാലാം സ്ഥാനത്ത്.മൂന്നേ മുക്കാല്‍ ലക്ഷത്തോളം ഇന്ത്യന്‍ രൂപയാണ് അമേരിക്കയിലെ ശരാശരി ശമ്പളം.12 അറബ് രാജ്യങ്ങള്‍ പട്ടികയില്‍ ആദ്യ നൂറിലുണ്ട്.