തിരഞ്ഞെടുപ്പിനുശേഷം താൻ രാഷ്ട്രീയം ഉപേക്ഷിക്കും: മാർക്ക് റുട്ടെ

ഹേഗ്: തിരഞ്ഞെടുപ്പിനുശേഷം താൻ രാഷ്ട്രീയം ഉപേക്ഷിക്കുമെന്ന് ഡച്ച് പ്രധാനമന്ത്രി മാർക്ക് റുട്ടെ. നെതർലൻഡ്‌സിലെ ഏറ്റവും കൂടുതൽ കാലം സേവനമനുഷ്ഠിച്ച ഡച്ച് പ്രധാനമന്ത്രിയാണ് മാർക്ക് റുട്ടെ. 2010 മുതൽ നാല് കൂട്ടുകക്ഷി സർക്കാരുകളെ നയിച്ച പി.എം റുട്ടെ, കുടിയേറ്റത്തെച്ചൊല്ലിയുള്ള സഖ്യത്തിന്റെ തകർച്ചയെത്തുടർന്ന് നവംബറിൽ നടക്കുന്ന തിരഞ്ഞെടുപ്പിന് ശേഷം താൻ സ്ഥാനമൊഴിയുമെന്ന് റുട്ടെ പറഞ്ഞു.

“ഞാൻ വ്യക്തിപരമായി എന്തെങ്കിലും പറയാൻ ആഗ്രഹിക്കുന്നു. എന്നെ പ്രചോദിപ്പിക്കുന്നത് എന്താണെന്നതിനെക്കുറിച്ച് കഴിഞ്ഞ കുറച്ച് ദിവസങ്ങളായി ഊഹാപോഹങ്ങൾ ഉണ്ടായിരുന്നു. ഒരേയൊരു ഉത്തരം നെതർലാൻഡ്സ് മാത്രമാണ്,” പി.എം റുട്ടെ പാർലമെന്റിൽ പറഞ്ഞു. തിരഞ്ഞെടുപ്പിന് ശേഷം പുതിയ സർക്കാർ സത്യപ്രതിജ്ഞ ചെയ്ത് അധികാരമേൽക്കുമ്പോൾ ഞാൻ രാഷ്ട്രീയം വിടും.

ഹംഗറിയിലെ വിക്ടർ ഓർബന് ശേഷം യൂറോപ്പിൽ ഏറ്റവും കൂടുതൽ കാലം സേവനമനുഷ്ഠിച്ച രണ്ടാമത്തെ നേതാവാണ് പി.എം റുട്ടെ. അതേസമയം,​ തനിക്ക് അഞ്ചാം തവണയും അധികാരത്തിൽ വരാനുള്ള ഊർജ്ജമുണ്ടെന്ന് പി.എം റുട്ടെ വെള്ളിയാഴ്ച വാർത്താ സമ്മേളനത്തിൽ പറഞ്ഞിരുന്നു.