പ്രണയം നടിച്ച് 16കാരിയെ പീഡിപ്പിച്ചു; യുവാവിന് 27വര്‍ഷം കഠിനതടവ്
പാലക്കാട്: പ്രണയം നടിച്ച് പതിനാറു വയസുകാരിയെ ലൈംഗികമായി ചൂഷണം ചെയ്ത കേസില്‍ യുവാവിന് കഠിനതടവും പിഴയും. പാലക്കാട് സ്വദേശിയായ വിപിനെയാണ് (23) പട്ടാമ്പി പോക്‌സോ കോടതി ശിക്ഷിച്ചത്. പ്രതിക്ക് 27 വര്‍ഷം കഠിന തടവിനാണ് കോടതി ശിക്ഷിച്ചത്. 1,10,000 രൂപ പിഴയും വിധിച്ചു. പിഴത്തുക അതിജീവിതയ്ക്ക് നല്‍കാനും കോടതി നിര്‍ദേശിച്ചു.
പെണ്‍കുട്ടിയോടു പ്രണയം നടിച്ച് ബന്ധം സ്ഥാപിച്ചശേഷം ഓട്ടോയിൽ കൊണ്ടുപോയി വിപിന്‍ ലൈംഗികാതിക്രമം നടത്തുകയായിരുന്നു. മണ്ണാര്‍ക്കാട് എസ്‌ഐ സുരേഷ് ബാബു, അജിത്കുമാര്‍ തുടങ്ങിയവരാണ് കേസ് രജിസ്റ്റര്‍ ചെയ്ത് അന്വേഷണം നടത്തി കുറ്റപത്രം സമര്‍പ്പിച്ചത്.