പൊട്ടിവീണ വൈദ്യുതി ലൈനിൽനിന്ന് ഷോക്കേറ്റ് അഗതി മന്ദിരം അന്തേവാസിനി മരിച്ചു

പുനലൂർ: പൊട്ടിവീണ വൈദ്യുതി ലൈനിൽനിന്ന് ഷോക്കേറ്റ് കോൺവെൻറിലെ അഗതി മന്ദിരം അന്തേവാസിനി മരിച്ചു. പുനലൂർ മുസാവരികുന്ന് മദർ തെരേസ അഗതിമന്ദിരത്തിൽ വർഷങ്ങളായി താമസിക്കുന്ന തൊളിക്കോട് സ്വദേശിനി പി. പ്രഭ( 52) ആണ് മരിച്ചത്.

വ്യാഴാഴ്ച രാവിലെ 10 മണിയോടെയായിരുന്നു സംഭവം. കോൺവെൻറ് വളപ്പിലെ പ്ലാവിൻ ചുവട്ടിൽ വീണ ചക്ക എടുക്കാൻ മുറിയിൽനിന്ന് ഇറങ്ങിയതായിരുന്നു പ്രഭയെന്ന് കോൺവെന്റ് അധികൃതർ പറഞ്ഞു. ചക്ക വീണ് വൈദ്യുതി ലൈൻ പൊട്ടികിടക്കുന്ന വിവരം അറിയാതെ ലൈനിൽ ചവിട്ടുകയായിരുന്നുവത്രെ. ഇതോടെ വൈദ്യുതാഘാതം ഏൽക്കുകയായിരുന്നു. പുനലൂർ പൊലീസ് സ്ഥലത്തെത്തി മേൽ നടപടികൾ സ്വീകരിച്ചു.