മാരക ലഹരിമരുന്നായ എം.ഡി.എം.എയും കഞ്ചാവുമായി നാലുപേര്‍ പിടിയില്‍
കോഴിക്കോട്: മാരക ലഹരിമരുന്നായ എം.ഡി.എം.എയും കഞ്ചാവുമായി നാലുപേർ അറസ്റ്റിൽ .
ഫറോക്ക്, ചെലവൂര്‍ എന്നീ ഭാഗങ്ങളില്‍ നടത്തിയ പരിശോധനയിലാണ് പ്രതികളെ അറസ്റ്റ് ചെയ്തത്. 4.96 ഗ്രാം എം.ഡി.എം.എയും, 114 ഗ്രാം കഞ്ചാവുമാണ് പിടികൂടിയത്.
ഫറോക്ക് ചുങ്കം കള്ളിത്തൊടി റോഡില്‍നിന്ന് മേലെ എടക്കാട്ടില്‍ അബ്ദുല്‍ മനാഫ് (37) , കൊടക്കാട്ട് സക്കീര്‍ ഹുസൈന്‍,(30), ഉള്ളിശ്ശേരി തൊടി നെഹ്ഫു(38), 1.25 ഗ്രാം എം.ഡി.എം.എ യുമായി ചെലവൂര്‍ കശ്മീര്‍ കുന്നില്‍നിന്ന് പറമ്ബില്‍ ബസാര്‍ കൃഷ്ണാലയത്തില്‍ വൈഷ്ണവ് (23) എന്നിവരാണ് പിടിയിലായത്. രഹസ്യവിവരത്തിന്റെ അടിസ്ഥാനത്തില്‍ ആന്റി നാര്‍ക്കോട്ടിക് സെല്‍ അസി. കമീഷണര്‍ പ്രകാശന്‍ പടന്നയിലിന്റെ നേതൃത്വത്തില്‍ നടത്തിയ അന്വേഷത്തിലാണ് പ്രതികള്‍ പിടിയിലായത്.