ഖുർആൻ മത്സരം; സ്വാഗതസംഘം രൂപവത്കരിച്ചു
മനാമ: രിസാല സ്റ്റഡി സർക്കിൾ നടത്തിവരുന്ന തർതീൽ ഖുർആൻ മത്സരങ്ങൾക്കുള്ള ബഹ്റൈൻ നാഷനൽ സ്വാഗതസംഘം രൂപവത്‌കൃതമായി. ഏപ്രിൽ 14ന് മനാമയിൽ നടക്കുന്ന നാഷനൽ തർതീലിൽ യൂനിറ്റ്, സെക്ടർ, സോൺ മത്സരങ്ങളിൽനിന്ന് വിജയിച്ച പ്രതിഭകളാണ് മാറ്റുരക്കുക.
ആർ.എസ്.സി നാഷനൽ ചെയർമാൻ മുനീർ സഖാഫിയുടെ അധ്യക്ഷതയിൽ സൽമാബാദിൽ നടന്ന സ്വാഗതസംഘം രൂപവത്കരണ കൺവെൻഷൻ ഫഖ്‌റുദ്ദീൻ പി.എ കാഞ്ഞങ്ങാട് ഉദ്ഘാടനം ചെയ്തു.
അബ്ദുസ്സമദ് കാക്കടവ് ചെയർമാനും ശംസുദ്ദീൻ സഖാഫി കൺവീനറുമായ സ്വാഗതസംഘമാണ് നിലവിൽവന്നത്. ഉമർ ഹാജി (വൈസ് ചെയർ), പി.എം. ഫഖ്‌റുദ്ദീൻ (ജോ. കൺ), അബ്ദുറഹീം സഖാഫി, സുനീർ, ശിഹാബ് പരപ്പ (ഫിനാൻസ്).