നയൻതാരയുടെ 75-ാം ചിത്രം ഒരുങ്ങുന്നു
നയൻതാരയുടെ എഴുപത്തിയഞ്ചാമതു സിനിമയുടെ ചിത്രീകരണം ആരംഭിച്ചു. ജയ്, സത്യരാജ്, റെഡിങ് കിങ്സ്ലി തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. നവാഗതനായ നീലേഷാണു ചിത്രം സംവിധാനം ചെയ്യുന്നത്. സംവിധായകൻ ശങ്കറിന്‍റെ അസിസ്റ്റന്‍റായി പ്രവർത്തിച്ചിട്ടുള്ളയാളാണു നീലേഷ്.
നാദ് സ്റ്റുഡിയോസ്, ട്രൈഡന്‍റ് ആർട്സ് എന്നിവയുടെ സഹകരണത്തോടെ സീ സ്റ്റുഡിയോസാണു ചിത്രം നിർമിക്കുന്നത്. ചിത്രത്തിന്‍റെ ടൈറ്റിൽ ഉടൻ പ്രഖ്യാപിക്കും. ഛായാഗ്രഹണം ദിനേഷ് കൃഷ്ണൻ. ഈ വർഷം അവസാനത്തെടയാകും ചിത്രം തിയെറ്ററിലെത്തുക.