ക്ഷേത്രത്തിനകത്ത് തനിയെ കയറിച്ചെല്ലുന്ന കുരങ്ങൻ; പിന്നാലെ സംഭവിച്ചത്….!
സോഷ്യല്‍ മീഡിയയിലൂടെ ഓരോ ദിവസവും വ്യത്യസ്തമായതും പുതുമയുള്ളതുമായ പല വീഡിയോകളും നാം കാണാറുണ്ട്. ഇവയില്‍ മിക്കതും കാഴ്ചക്കാരെ കിട്ടുന്നതിനായ ബോധപൂര്‍വം തന്നെ തയ്യാറാക്കിയെടുക്കുന്ന ഉള്ളടക്കങ്ങളായിരിക്കും. പലതിന്‍റെയും ആധികാരികതയോ, നിജസ്ഥിതിയോ ഒന്നും നമുക്ക് ഉറപ്പിക്കാനും സാധിക്കില്ല.
എങ്കില്‍പ്പോലും ചില വീഡിയോകള്‍ കാണുമ്പോള്‍ നമ്മുടെ മുഖത്ത് ഒരു പുഞ്ചിരി വിടര്‍ത്തുകയോ അല്ലെങ്കില്‍ ഏതെങ്കിലും വിധത്തില്‍ നമ്മുടെ മനസിനെ സ്പര്‍ശിക്കുകയോ ചെയ്യാറുണ്ട്. പലപ്പോഴും ഇത്തരം കാഴ്ചകളുടെ പിന്നാമ്പുറം തേടിപ്പോകാനൊന്നും ആരും ശ്രമിക്കാറില്ല. കാരണം, ആ കാഴ്ച തന്നെ നല്ലൊരു അനുഭവമായിരിക്കാം.
എന്തായാലും സമാനമായ രീതിയില്‍ ഇക്കഴിഞ്ഞ ദിവസങ്ങളില്‍ ട്വിറ്ററില്‍ വൈറലായൊരു വീഡിയോ ആണിനി നിങ്ങള്‍ക്കായി പങ്കുവയ്ക്കുന്നത്. സത്യത്തില്‍ ഇത് മുമ്പേ തന്നെ വൈറലായിട്ടുള്ള വീഡിയോ ആണ്. വീണ്ടും പങ്കുവയ്ക്കപ്പെട്ടതോടെ വീണ്ടും കാര്യമായ രീതിയില്‍ ശ്രദ്ധിക്കപ്പെടുകയായിരുന്നു.
ഒരു ക്ഷേത്രത്തിനകത്തേക്ക് പാതിരാത്രിയില്‍ തനിച്ച് കയറിവരുന്ന കുരങ്ങിനെയാണ് വീഡിയോയില് കാണുന്നത്. ക്ഷേത്രത്തിനകത്തെത്തുന്ന കുരങ്ങൻ ദൈവത്തെ വണങ്ങുന്നതും, കമഴ്ന്ന് കിടന്ന് നമസ്കരിക്കുന്നതുമെല്ലാമാണ് വീഡിയോയില് കാണുന്നത്. ശരിക്ക് മനുഷ്യര്‍ ചെയ്യുന്നത് പോലെ തന്നെയാണ് കുരങ്ങിന്‍റെ ചേഷ്ടകള്‍.