ഏഴ് വയസുകാരെ പൊള്ളിച്ച സംഭവം; അമ്മയെ ഇന്ന് അറസ്റ്റ് ചെയ്തേക്കും

ഇടുക്കി: കുമളിക്കടുത്ത് അട്ടപ്പള്ളത്ത് ഏഴു വയസ്സുകാരനെ ചട്ടുകം പഴുപ്പിച്ച് പൊള്ളലേൽപ്പിച്ച സംഭവത്തിൽ അമ്മയെ ഇന്ന് പോലീസ് അറസ്റ്റ് ചെയ്യും.പൊള്ളലേറ്റ ഏഴു വയസ്സുകാരന്റെ മൊഴി ഇന്നലെ പോലീസ് രേഖപ്പെടുത്തിയിരുന്നു. അമ്മക്കെതിരെ കേസെടുക്കുകയും ചെയ്തു. പൊള്ളലേറ്റ കുട്ടിയുടെ നാലു വയസ്സുള്ള സഹോദരി അമ്മക്കൊപ്പമുണ്ട്.

കുമളി അട്ടപ്പളളം ലക്ഷം വീട് കോളനിയിൽ താമസിക്കുന്ന7വയസ്സുകാരനോടായിരുന്നു മാതാവിന്റെ ക്രൂരത. സംഭവം ചൈൽഡ് വെൽഫെയർ കമ്മിറ്റിയെയും പോലീസ് അറിയിച്ചിട്ടുണ്ട്. അടുത്ത വീട്ടിൽ നിന്നും ടയർ എടുത്തതിനാണ് അമ്മ ശിക്ഷിച്ചതെന്നാണ് കുട്ടി പറഞ്ഞത്. രണ്ട് കൈയ്ക്കും,കാലിനും പൊള്ളലേറ്റ് ചികിത്സയിലുള്ള ഏഴ് വയസ്സുകാരന്റെ ആരോഗ്യനില നിലവിൽ തൃപ്തികരമാണ്.