ഓപ്പറേഷൻ ആഗ്; ഏഴു ജില്ലകളിലായി 1041 പേര്‍ കസ്റ്റഡിയിൽ, ഗുണ്ടകൾക്കെതിരെ നടപടി കടുപ്പിച്ച് പോലീസ്
തിരുവനന്തപുരം: സംസ്ഥാന വ്യാപകമായി ഗുണ്ടകൾക്കും ക്രിമിനലുകൾക്കുമെതിരെ പോലീസ് നടത്തിയ റെയ്ഡിൽ ആയിരകണക്കിന് പേർ കസ്റ്റഡിയിൽ. ഏഴ് ജില്ലകളിലായി 1041 പേരെ കസ്റ്റഡിയിലെടുത്തു.
തിരുവന്തപുരത്ത് മാത്രം 297 പേരാണ് പിടിയിലായത്. പാലക്കാട് 137, കൊച്ചി 49, മലപ്പുറം 53, തൃശൂർ 68, കോഴിക്കോട് 147 എന്നിങ്ങനെ നീളുന്നു കരുതൽ തടങ്കലിൽ ഉള്ളവർ. പിടികൂടിയവരിൽ 18 വാറണ്ട് പ്രതികളും ഉൾപ്പെടുന്നു.ഗുണ്ടകൾക്കും ക്രിമിനലുകൾക്കുമെതിരെ കർശന നടപടി സ്വീകരിച്ച് ക്രമസമാധാന നില മെച്ചപ്പെടുത്താൻ ലക്ഷ്യമിട്ടാണ് ഇന്നലെ മുതൽ ഓപ്പറേഷൻ ആഗ് ആരംഭിച്ചത്.