ചാറ്റ്ജിപിടി പ്രോ വേര്‍ഷന്‍ എത്തി
ടെക് ലോകത്ത് തരംഗം സൃഷ്ടിച്ച ചാറ്റ്ജിപിടി പ്രോ വേര്‍ഷന്‍ എത്തിയതായി റിപ്പോര്‍ട്ട്. ഉപയോക്താക്കള്‍ക്ക് പണം നല്‍കി ഉപയോഗിക്കാന്‍ സാധിക്കുന്നതാണ് ചാറ്റ്ജിപിടി പ്രോ.പ്രതിമാസം 42 ഡോളര്‍ നല്‍കിയാല്‍ ചാറ്റ്ജിപിടി പ്രോ വേര്‍ഷന്‍ ഉപയോഗിക്കാന്‍ സാധിക്കും.
അതേസമയം, ചാറ്റ്ജിപിടി ഉടമകളായ ഓപ്പണ്‍ എഐ ഇത് സംബന്ധിച്ച ഔദ്യോഗിക പ്രസ്താവനകള്‍ പുറത്തുവിട്ടിട്ടില്ല. ചാറ്റ്ജിപിടിയുടെ പുതിയ വേര്‍ഷന്‍ ഉപയോഗിക്കുന്നവര്‍ക്ക് അപ്ഗ്രേഡ് എന്നുള്ള ഓപ്ഷന്‍ ദൃശ്യമാകുന്നതാണ്. ഇവ തിരഞ്ഞെടുത്തിനുശേഷം പ്രതിമാസ തുക അടച്ചാല്‍ ചാറ്റ്ജിപിടി പ്രോ വേര്‍ഷനില്‍ അടങ്ങിയ ഫീച്ചറുകള്‍ ഉപയോക്താക്കള്‍ക്ക് ലഭിക്കുന്നതാണ്.
ചാറ്റ്ജിപിടിയുടെ പേയ്ഡ് വേര്‍ഷന്‍ അവതരിപ്പിക്കുമെന്ന് ഓപ്പണ്‍എഐ സിഇഒ സാം ഓള്‍ട്ട്മാന്‍ നേരത്തെ തന്നെ അറിയിച്ചിരുന്നു. അതേസമയം, ചാറ്റ്ജിപിടിയില്‍ കോടികളുടെ നിക്ഷേപം നടത്താന്‍ ആഗോള ഭീമന്മാര്‍ തയ്യാറെടുപ്പുകള്‍ നടത്തുന്നുണ്ട്.