‘ക്ലൗഡ്​ സീഡിങ്’ വിമാനങ്ങൾ​ ഇരട്ടിയാക്കി യു.എ.ഇ

ദുബൈ: വിമാനം ഉപയോഗിച്ച്​ രാസവസ്തുക്കള്‍ മേഘങ്ങളില്‍ വിതറി മഴ പെയ്യിക്കുന്ന ‘ക്ലൗഡ്​ സീഡിങ്’​ സംവിധാനം വ്യാപിപ്പിച്ച്​ യു.എ.ഇ. ആറ്​ വർഷത്തിനിടെ ക്ലൗഡ്​ സീഡിങ്​ വിമാനങ്ങളുടെ എണ്ണം ഇരട്ടിയാക്കി ഉയർത്തിയെന്ന്​ അധികൃതർ വ്യക്​തമാക്കി. അബൂദബിയിൽ നടന്ന ഇന്‍റർനാഷനൽ റെയിൻ എൻഹാൻസ്​മെന്‍റ്​ ഫോറത്തിലാണ്​ ഈ കണക്കുകൾ വ്യക്​തമാക്കിയത്​.

കഴിഞ്ഞ വർഷം 311 ക്ലൗഡ്​ സീഡിങ്ങാണ്​ നടത്തിയത്​. 1000 വിമാന മണിക്കൂറുകളാണ്​ ഇതിനായി ഉപയോഗിച്ചത്​. 2016ൽ 177 വിമാനങ്ങൾ ക്ലൗഡ്​ സീഡിങ്​ നടത്തിയ സ്ഥാനത്താണ്​ ഇപ്പോൾ ഇരട്ടിയായി ഉയർന്നിരിക്കുന്നത്​. യു.എ.ഇ ഇതുവരെ മഴ വർധിപ്പിക്കാനുള്ള പദ്ധതിയിൽ 66 ദശലക്ഷം ദിർഹമാണ്​ നിക്ഷേപിച്ചിരിക്കുന്നത്​. ചൊവ്വാഴ്ച വരെ വടക്കൻ എമിറേറ്റുകളിൽ മഴ പെയ്യിക്കുന്നതിനായി ക്ലൗഡ് സീഡിങ്​ നടത്തിയിരുന്നു.

Leave A Reply