“ആ സിനിമയിൽ ഞാൻ അഭിനയിക്കേണ്ടിയിരുന്ന വേഷം ഐശ്വര്യ റായ് ചെയ്തു” : മഞ്ജു വാര്യർ

മഞ്ജു വാര്യരുടെ ‘ആയിഷ’ എന്ന ചിത്രം കഴിഞ്ഞ ദിവസം റിലീസ് ചെയ്തിരുന്നു. ഇപ്പോഴിതാ ചിത്രത്തിന്റെ പ്രമോഷന്റെ ഭാഗമായി ഒരു മാധ്യമത്തിന് നൽകിയ അഭിമുഖത്തിനിടെ മഞ്ജു പറഞ്ഞ വാക്കുകൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്.

‘അസുരന്’ മുമ്പ് തനിക്ക് തമിഴ് സിനിമകളിൽ നിന്ന് നിരവധി ഓഫറുകൾ വന്നിരുന്നതായി താരം പറഞ്ഞു. മലയാളത്തിൽ തുടർച്ചയായി പ്രവർത്തിച്ചിരുന്ന കാലമായിരുന്നു അത്. ഡേറ്റ് പ്രശ്‌നങ്ങളും മറ്റ് പല കാരണങ്ങളാലും എനിക്ക് തമിഴ് സിനിമകളിൽ അഭിനയിക്കാൻ കഴിഞ്ഞില്ല. അങ്ങനെയൊരു സിനിമ എനിക്ക് നഷ്ടപ്പെട്ടതാണ് ‘കണ്ടുകൊണ്ടേൻ കണ്ടുകൊണ്ടേൻ കണ്ടുകൊണ്ടേൻ’. ഞാൻ അഭിനയിക്കേണ്ടിയിരുന്ന വേഷം ഐശ്വര്യ റായ് ചെയ്തു. സംവിധായകൻ രാജീവ് മേനോനാണ് ആദ്യം സമീപിച്ചത്.” മഞ്ജു വാര്യർ പറഞ്ഞു.