രാജ്യത്ത് പുതിയ 5ജി ഫോണുകള്‍ അവതരിപ്പിച്ച്‌ സാംസങ്
ഗ്യാലക്സി എ14 5ജി, ഗ്യാലക്സി എ23 5ജി എന്നിവയാണ് എ സീരിസിലേക്കുള്ള സമീപകാലത്തായി എത്തിയത് . ഉയര്‍ന്ന റിഫ്രഷിങ്നിരക്ക് ഡിസ്‌പ്ലേകള്‍, എക്‌സിനോസ്, ക്വാല്‍കോം ചിപ്‌സെറ്റുകള്‍, വലിയ ബാറ്ററി എന്നിവയുമായാണ് ഇവയെത്തിയിരിക്കുന്നത്.സാംസങ് ഗാലക്‌സി എ14 5ജിയുടെ ഇന്ത്യയിലെ വില 4ജിബി/64ജിബി മോഡലിന് 16,499 രൂപയാണ്. കൂടാതെ, ഗ്യാലക്സി എ14 5ജി 6 ജിബി/128 ജിബി, 8 ജിബി/128 ജിബി കോണ്‍ഫിഗറേഷനിലും ലഭ്യമാണ്. കടും ചുവപ്പ്, ഇളം പച്ച, കറുപ്പ് നിറങ്ങളില്‍ ഹാന്ഡ്സെറ്റ് ലഭ്യമാണ്.
സാംസങ് ഗാലക്‌സി എ23 5ജിയുടെ ഇന്ത്യയിലെ വില 6ജിബി/128ജിബി മോഡലിന് 22,999 രൂപയാണ്. സില്‍വര്‍, ലൈറ്റ് ബ്ലൂ, ഓറഞ്ച് കളറുകളിലാണ് ഇവ ലഭിക്കുന്നത്. രണ്ട് ഫോണുകളും ജനുവരി 20 മുതല്‍ സാംസങ് എക്‌സ്‌ക്ലൂസീവ്, പാര്‍ട്‌ണര്‍ സ്റ്റോറുകള്‍, സാംസങ്.കോം, മറ്റ് ഓണ്‍ലൈന്‍ പ്ലെയറുകള്‍ എന്നിവയിലുടെ ലഭ്യമാകും. രണ്ട് ഉപകരണങ്ങളും ഇന്ന് ഉച്ചയ്ക്ക് 12 മണി മുതല്‍ സാംസങ്.കോമില്‍ ലൈവ് കൊമേഴ്‌സ് വഴി വാങ്ങാനുമാകും. . കൂടാതെ, എസ്ബിഐ കാര്‍ഡ് ഉടമകള്‍ക്ക് ഗ്യാലക്സി എ23 5ജിയില്‍ 2,000 രൂപയും ഗ്യാലക്സി എ14 5ജിയില്‍ 1,500 രൂപയും വീതം ക്യാഷ്ബാക്കും ലഭിക്കും.
ഗ്യാലക്സി എ14 5ജി സ്‌പോര്‍ട്‌സ് 6.6-ഇഞ്ച് എച്ച്‌ഡി+ എല്‍സിഡി പാനല്‍, 90Hz റിഫ്രഷിങ്നിരക്ക് എന്നിവ അടങ്ങിയതാണ്. 50 എംപി പ്രൈമറി സെന്‍സര്‍, 2 എംപി ഡെപ്ത് സെന്‍സര്‍, 2 എംപി മാക്രോ ലെന്‍സ് എന്നിവയുള്ള ട്രിപ്പിള്‍ ക്യാമറ സജ്ജീകരണവും ഇതില്‍ ഉള്‍പ്പെടുത്തിയിട്ടുണ്ട്.ഫോണിന്റെ മുന്‍വശത്ത്, 13 എംപി സെല്‍ഫി ക്യാമറയാണുള്ളത്. നാല് വര്‍ഷത്തെ സുരക്ഷാ അപ്‌ഡേറ്റുകളും രണ്ട് ഒഎസ് അപ്‌ഗ്രേഡുകളുമായാണ് ഹാന്ഡ്സെറ്റ് എത്തുന്നതെന്ന പ്രത്യേകതയുമുണ്ട്.
ഗ്യാലക്സി എ23 5ജിയുടെ നോക്സ് സെക്യൂരിറ്റി സ്യൂട്ട്, 3.5 വര്‍ഷത്തെ സുരക്ഷാ പാച്ച്‌ അപ്‌ഡേറ്റുകള്‍ക്കൊപ്പം ഡാറ്റ സെക്യൂരിറ്റിയും ഉറപ്പാക്കുന്നു. യുഎസ്ബി-സി പോര്‍ട്ടിലൂടെ ചാര്‍ജ് ചെയ്യുന്ന 5,000 mAh ബാറ്ററിയാണ് ഹാന്‍ഡ്‌സെറ്റിലുള്ളത്.ഫോണ്‍ ആന്‍ഡ്രോയിഡ് 12 ആണോ 13 ആണോ എന്നതിനെ കുറിച്ച്‌ സാംസങ് പരാമര്‍ശിച്ചിട്ടില്ല.