രേഖകളില്ലാതെ കടത്തിയ 519.32 ഗ്രാം സ്വർണം എക്സൈസ് സംഘം പിടികൂടി

വയനാട്: മുത്തങ്ങ എക്സൈസ് ചെക്ക് പോസ്റ്റിൽ രേഖകളില്ലാതെ കടത്തിയ 519.32 ഗ്രാം സ്വർണം പിടികൂടി.  കോഴിക്കോട് കുതിരവട്ടം സ്വദേശി ആദിത്യ വിനയ് ജാദവിനെയാണ് പിടികൂടിയത്. വെള്ളിയാഴ്ച രാവിലെ എക്സൈസ് സംഘം നടത്തിയ പരിശോധനയിലാണ് സ്വർണം പിടിച്ചെടുത്തത്. സ്വർണം തുടർ നടപടികൾക്കായി ജി.എസ്.ടി എൻഫോഴ്സ്മെന്റ് ഓഫിസർക്ക് കൈമാറിയതായി എക്സൈസ് അധികാരികൾ പറഞ്ഞു.

സർക്കിൾ ഇൻസ്പെക്ടർ ടി. ഷറഫുദ്ദീൻ, എക്സൈസ് ഇൻസ്പെക്ടർ ടി.എച്ച്. ഷഫീഖ്, പ്രിവന്റിവ് ഓഫിസർമാരായ എം. രാജേഷ്, കെ. അനിൽകുമാർ, സിവിൽ എക്സൈസ് ഓഫിസർമാരായ ഒ. ഷാഫി, അനിൽ എന്നിവരടങ്ങിയ സംഘമാണ് പ്രതിയെ പിടികൂടിയത്.