Roal

മ​ല​യോ​ര ഹൈ​വേ; ആ​ദ്യ​ഘ​ട്ട പ്ര​വൃ​ത്തി​ക്ക് തു​ട​ക്കം

മാ​ന​ന്ത​വാ​ടി: മാ​ന​ന്ത​വാ​ടി മ​ണ്ഡ​ല​ത്തി​ലെ മ​ല​യോ​ര ഹൈ​വേ​യു​ടെ ആ​ദ്യ​ഘ​ട്ട പ്ര​വൃ​ത്തി​ക​ള്‍ ആ​രം​ഭി​ച്ചു. ആ​ദ്യ​ഘ​ട്ട​മാ​യി ക​രാ​ര്‍ ഏ​റ്റെ​ടു​ത്ത ഊ​രാ​ളു​ങ്ക​ൽ ലേ​ബ​ര്‍ കോ​ണ്‍ട്രാ​ക്ട് സൈാ​സൈ​റ്റി ത​ക​ര്‍ന്ന റോ​ഡി​ലെ കു​ഴി​ക​ള്‍ അ​ട​ച്ച് ഗ​താ​ഗ​ത​യോ​ഗ്യ​മാ​ക്കി​വ​രു​ക​യാ​ണ്. ത​വി​ഞ്ഞാ​ല്‍ പ​ഞ്ചാ​യ​ത്തി​ലെ ബോ​യ്സ് ടൗ​ൺ മു​ത​ല്‍ എ​സ് വ​ള​വ് വ​രെ​യു​ള്ള റോ​ഡി​ന് ഇ​രു​വ​ശ​വും താ​മ​സി​ക്കു​ന്ന​വ​രു​ടെ യോ​ഗം ക​ഴി​ഞ്ഞ ആ​ഴ്ച മാ​ന​ന്ത​വാ​ടി എം.​എ​ല്‍.​എ ഒ.​ആ​ര്‍. കേ​ളു​വി​ന്റെ നേ​തൃ​ത്വ​ത്തി​ല്‍ ന​ട​ന്നി​രു​ന്നു.

മാ​ന​ന്ത​വാ​ടി ന​ഗ​ര​സ​ഭ​യി​ലൂ​ടെ​യും ത​വി​ഞ്ഞാ​ല്‍, തൊ​ണ്ട​ര്‍നാ​ട്, എ​ട​വ​ക, വെ​ള്ള​മു​ണ്ട, പ​ന​മ​രം ഗ്രാ​മ​പ​ഞ്ചാ​യ​ത്തി​ലൂ​ടെ​യു​മാ​ണ് ഈ ​റോ​ഡ് ക​ട​ന്നു​പോ​കു​ന്ന​ത്. വ​ട​ക്കേ വ​യ​നാ​ടും തെ​ക്കേ വ​യ​നാ​ടും ത​മ്മി​ല്‍ ബ​ന്ധി​പ്പി​ക്കു​ന്ന പ്ര​ധാ​ന പാ​ത​യെ​ന്ന നി​ല​യി​ല്‍ കാ​സ​ർ​കോ​ട് ജി​ല്ല​യി​ല്‍നി​ന്നാ​രം​ഭി​ച്ച് ക​ണ്ണൂ​ര്‍ ജി​ല്ല ക​ട​ന്ന് ബോ​യ്‌​സ് ടൗ​ണി​ലെ​ത്തു​ന്ന​തോ​ടെ​യാ​ണ് പ​ദ്ധ​തി മാ​ന​ന്ത​വാ​ടി നി​യോ​ജ​ക മ​ണ്ഡ​ല​ത്തി​ല്‍ ആ​രം​ഭി​ക്കു​ന്ന​ത്. ബോ​യ്‌​സ് ടൗ​ണി​ല്‍ നി​ന്ന് ആ​രം​ഭി​ച്ച് ത​ല​പ്പു​ഴ, മാ​ന​ന്ത​വാ​ടി ടൗ​ൺ വ​ഴി കോ​ഴി​ക്കോ​ട് റോ​ഡി​ലൂ​ടെ നാ​ലാം മൈ​ല്‍, പ​ന​മ​രം, പ​ച്ചി​ല​ക്കാ​ട് വ​രെ​യും വാ​ളാ​ട് മു​ത​ല്‍ കു​ങ്കി​ച്ചി​റ വ​രെ​യു​മു​ള്ള റോ​ഡു​ക​ളാ​ണ് മ​ല​യോ​ര ഹൈ​വേ പ​ദ്ധ​തി​യി​ല്‍ ഉ​ള്‍പ്പെ​ടു​ത്തി​യി​ട്ടു​ള്ള​ത്. ബോ​യ്‌​സ് ടൗ​ണ്‍ മു​ത​ല്‍ മാ​ന​ന്ത​വാ​ടി ഗാ​ന്ധി പാ​ര്‍ക്ക് വ​രെ 13 കി.​മീ ദൂ​ര​വും ഗാ​ന്ധി പാ​ര്‍ക്ക് മു​ത​ല്‍ പ​ച്ചി​ല​ക്കാ​ട് വ​രെ 19.5 കി.​മീ ദൂ​ര​വും വാ​ളാ​ട് മു​ത​ല്‍ കു​ങ്കി​ച്ചി​റ വ​രെ 10 കി.​മീ ദൂ​ര​വു​മാ​ണു​ള്ള​ത്. പ​ദ്ധ​തി​ക്ക് കി​ഫ്ബി ധ​ന​സ​ഹാ​യ​മാ​യി 106 കോ​ടി രൂ​പ​യാ​ണ് അ​നു​വ​ദി​ച്ചി​ട്ടു​ള്ള​ത്. മാ​ന​ന്ത​വാ​ടി മ​ണ്ഡ​ല​ത്തി​ന്റെ മു​ഖ ച്ഛാ​യ മാ​റ്റു​ന്ന ഈ ​പ​ദ്ധ​തി അ​തി​വേ​ഗം പൂ​ര്‍ത്തി​യാ​കു​മെ​ന്ന പ്ര​തീ​ക്ഷ​യി​ലാ​ണ് നാ​ട്.

Leave A Reply