Roal

ഒ എൻ വി പുരസ്കാരത്തിന് സാഹിത്യകാരൻ എം മുകുന്ദൻ അർഹനായി

കൊല്ലം:
മാസ് ആർട്സ് സർവീസ് സൊസൈറ്റി ആഭിമുഖ്യത്തിൽ ഒ എൻ വി മലയാളം പഠനകേന്ദ്രം ലൈബ്രറി ഏർപ്പെടുത്തിയ 2019ലെ ഒ എൻ വി പുരസ്കാരത്തിന് സാഹിത്യകാരൻ എം മുകുന്ദൻ അർഹനായി. എം മുകുന്ദന്റെ ‘നൃത്തം ചെയ്യുന്ന കുടകൾ’ നോവലിനാണ്‌ അവാർഡ്‌. ഒരു ലക്ഷം രൂപയും പ്രശസ്തിപത്രവും ചിത്രകാരൻ ആശ്രാമം സന്തോഷ് രൂപകൽപ്പന ചെയ്ത ഫലകവുമടങ്ങിയ പുരസ്കാരം വെള്ളിയാഴ്ച ധനമന്ത്രി കെ എൻ ബാല​ഗോപാൽ സമ്മാനിക്കും. അശോകൻ ചരുവിൽ, കെ പി നന്ദകുമാർ, ഡോ. സി ഉണ്ണിക്കൃഷ്ണൻ എന്നിവരടങ്ങിയ ജൂറിയാണ് പുരസ്കാരം നിർണയിച്ചത്.കൊല്ലം സോപാനം കലാകേന്ദ്രത്തിൽ വൈകിട്ട് അഞ്ചിനാണ്‌ ചടങ്ങ്‌.
മാസ്‌ പ്രസിഡന്റ് എക്സ് ഏണസ്റ്റ് അധ്യക്ഷനാകും. ഒ എൻ വിയുടെ മകൻ രാജീവ് ഒ എൻ വി, കൊച്ചുമകൾ അപർണാ രാജീവ്, ആശ്രാമം ഉണ്ണിക്കൃഷ്ണൻ, അജിത, ഷാജി എന്നിവരുടെ നേതൃത്വത്തിൽ ഒ എൻ വിയുടെ ഗാനങ്ങൾ കോർത്തിണക്കിയ ഗാനാർച്ചന നടക്കും.
Leave A Reply