അമ്മ 46 ദിവസം പ്രായമായ കുഞ്ഞിനെ കിണറ്റില്‍ എറിഞ്ഞുകൊന്നു
ആലപ്പുഴ: 46 ദിവസം പ്രായമായ കുഞ്ഞിനെ അമ്മ കിണറ്റില്‍ എറിഞ്ഞുകൊന്നു. ഹരിപ്പാട് മണ്ണാര്‍ശാലയിലാണ് സംഭവം.
ഇന്ന് ഉച്ചയ്ക്ക് ഒന്നരയോടെയാണ് സംഭവം. കുട്ടിയുടെ അമ്മ ദീപ്തിയെ പൊലീസ് കസ്റ്റഡിയിലെടുത്തു.
കുഞ്ഞിനെ കുളിപ്പിക്കാന്‍ കൊണ്ടുപോയതിനിടെയാണ് ദീപ്തി കൊലപാതകം നടത്തിയത്. ശബ്ദം കേട്ട് ദീപ്തിയുടെ പിതാവ് ഓടിയെത്തി കുഞ്ഞിനെ പുറത്തെത്തിച്ചെങ്കിലും മരിച്ചിരുന്നു.
യുവതിക്ക് മാനസികാസ്വാസ്ഥ്യം ഉള്ളതായി സംശയിക്കുന്നതായി പൊലീസ് പറഞ്ഞു.