ഓളവും തീരവും :ഡബ്ബിംഗ് ജോലികള്‍ ആരംഭിച്ചു

എം ടി വാസുദേവന്‍ നായരുടെ കഥകളെ അടിസ്ഥാനമാക്കി മോഹന്‍ലാല്‍-പ്രിയദര്‍ശന്‍ ചിത്രം ഒളവും തീരവും എന്ന സിനിമയുടെ ഡബ്ബിംഗ് ജോലികള്‍ ആരംഭിച്ചു.ഡബ്ബിംഗ് സെഷനില്‍ നിന്ന് മോഹന്‍ലാലും പ്രിയദര്‍ശനുമൊപ്പമെടുത്ത ഫോട്ടോ പങ്കുവെച്ച്‌ ചിത്രത്തിലെ നായിക ദുര്‍ഗ കൃഷ്ണ സോഷ്യല്‍ മീഡിയയിലെ ത്തി.

പി എന്‍ മേനോന്‍ സംവിധാനം ചെയ്‌ത 1970-ല്‍ ഇതേ പേരിലുള്ള ക്ലാസിക്കിന്റെ പുനരാഖ്യാനമാണ് ഓളവും തീരവും. എം ടി വാസുദേവന്‍ നായര്‍ 1957ല്‍ പുറത്തിറങ്ങിയ അതേ തലക്കെട്ടിലുള്ള തന്റെ കഥയെ ആസ്പദമാക്കി തിരക്കഥയെഴുതി.

പ്രിയദര്‍ശന്റെ ചിത്രത്തില്‍, ഒറിജിനല്‍ സിനിമയില്‍ മധു അവതരിപ്പിച്ച ബാപ്പുട്ടി എന്ന നായക കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. ഹരീഷ് പേരടി, മമ്മുക്കോയ എന്നിവരും ചിത്രത്തിലുണ്ട്.സന്തോഷ് ശിവന്‍, ശ്യാമപ്രസാദ്, രതീഷ് അമ്ബാട്ട്, മഹേഷ് നാരായണന്‍, എം ടി വാസുദേവന്‍ നായരുടെ മകള്‍ അശ്വതി വി നായര്‍ എന്നിവര്‍ സംവിധാനം ചെയ്ത ചിത്രങ്ങളും വരാനിരിക്കുന്ന ആന്തോളജിയിലുണ്ട്.

 

Leave A Reply