കാട്ടാക്കടയിൽ പെട്രോൾ പമ്പ് ജീവനക്കാരനെ വെട്ടി പരിക്കേൽപ്പിച്ചു

കാ​ട്ടാ​ക്ക​ട: തിരുവനന്തപുരം കാ​ട്ടാ​ക്ക​ടയിൽ പെ​ട്രോൾ പമ്പ്​ സുരക്ഷ ജീവനക്കാരനെ വെട്ടിപ്പരിക്കേൽപിച്ചു. രാ​ത്രി ഹെ​ല്‍മ​റ്റും ജാ​ക്ക​റ്റും ധ​രി​ച്ചെ​ത്തി​യ​യാ​ള്‍ ആണ് പെ​ട്രോ​ള്‍ പ​മ്പി​ലെ സു​ര​ക്ഷ ജീ​വ​ന​ക്കാ​ര​നെ വെ​ട്ടിപ്പരിക്കേൽപിച്ചത്. മാ​റ​ന​ല്ലൂ​ര്‍ ക​ണ്ട​ല പെ​ട്രോ​ള്‍ പ​മ്പി​ലെ സു​ക്ഷാ​ജീ​വ​ന​ക്കാ​ര​ന്‍ മാ​റ​ന​ല്ലൂ​ര്‍ ചീ​നി​വ​ള ആ​മ​ണ്‍ സ്വ​ദേ​ശി സു​കു​മാ​ര​നാ​ണ്​ (62) വെ​ട്ടേ​റ്റ​ത്.

പു​ല​ര്‍ച്ച ഒ​ന്ന​ര​യോ​ടെ​യാ​ണ് സം​ഭ​വം. പ​മ്പി​ന്​ പിൻവശത്തുടെ എത്തിയാണ് അ​ക്ര​മി സു​കു​മാ​ര​നെ വെ​ട്ടി​യ​ത്. ക​ഴു​ത്തി​നും കൈ​ക്കും മു​തു​കി​ലും വെ​ട്ടേ​റ്റ സു​കു​മാ​ര​ന്‍റെ നി​ല​വി​ളി​കേ​ട്ട് പ​മ്പി​ലെ ടാ​ങ്ക​ര്‍ ലോ​റി​യി​ലെ ഡ്രൈ​വ​ര്‍ ഉ​ണ​ര്‍ന്ന​തോ​ടെ​യാ​ണ് അ​ക്ര​മി സ്ഥ​ലം വി​ട്ട​ത്. ഉ​ട​ന്‍ത​ന്നെ വി​വ​രം പാമ്പ് ഉ​ട​മ​യെ​യും പോ​ലീ​സി​നെ​യും അ​റി​ച്ചു. തു​ട​ര്‍ന്ന് മാ​റ​ന​ല്ലൂ​ര്‍ പോലീ​സ് സ്ഥ​ല​ത്തെ​ത്തി സു​കു​മാ​ര​നെ കാ​ട്ടാ​ക്ക​ട​യി​ലെ സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റി. മു​തു​കി​ലേ​റ്റ വെ​ട്ട് ആ​ഴ​ത്തി​ലാ​യ​തി​നാ​ല്‍ ത​ല​സ്ഥാ​ന​ത്തെ സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റു​ക​യാ​യി​രു​ന്നു.

Leave A Reply