Roal

‘നേട്ടം..’; കേരളത്തിൽ ഒരു സീസണിൽ കായ്ക്കുന്ന ചക്കകളുടെ എണ്ണം എത്രയെന്ന് നിങ്ങൾക്ക് അറിയാമോ?

കേരളത്തിന്റെ ഔദ്യോഗിക ഫലമായ ചക്കയ്ക്ക് ഇത് നല്ലകാലം. കേരളത്തിൽ ഒരു സീസണിൽ കായ്ക്കുന്ന ചക്കയുടെ എണ്ണം 28.6 കോടിയാണെന്ന് കണക്കുകൾ വ്യക്തമാക്കുന്നു. ഇതിൽ 12.2 കോടിയും പാലക്കാട് ഉൾപ്പെടുന്ന മലബാർ ജില്ലകളിൽ നിന്നാണ്. സംസ്ഥാന കാർഷിക സ്ഥിതിവിവര കണക്കുകളിലാണ് ഇത് വ്യക്തമാക്കുന്നത്.

കേരളത്തിൽ ചക്ക ഉത്പാദനത്തിൽ മുന്നിലുള്ള ജില്ല ഇടുക്കിയാണ്, 5.7 കോടി ചക്കയാണ് ഇടുക്കിയിൽ ഓരോ സീസണിലും ശരാശരി ഉത്പാദിപ്പിക്കുന്നത്. തൊട്ടുപിറകിലുള്ളത് വയനാടും തിരുവനന്തപുരവുമാണ്. ഇവിടെങ്ങളിൽ ഉത്പാദിപ്പിക്കുന്ന ചക്കകളുടെ എണ്ണം 2.6 കോടിയാണ്.

മലപ്പുറം, കോഴിക്കോട് ജില്ലകളിൽ 2.4 കോടി ചക്ക ഉത്പാദിപ്പിക്കുന്നുണ്ട്. പാലക്കാട് 2.1 കോടി, കണ്ണൂർ 1.5 കോടി എന്നിങ്ങനെയാണ് മറ്റ് മലബാർ ജില്ലകളിലെ കണക്ക്. സംസ്ഥാനത്ത് ഏറ്റവും കുറവ് ഉത്പാദനം ആലപ്പുഴ ജില്ലയിലാണ്. ഇവിടെ 60 ലക്ഷം ചക്ക മാത്രമാണ് ഉത്പാദിപ്പിക്കുന്നത്. കൊല്ലം 1.9 കോടി, തൃശൂർ 1.6 കോടി, എറണാകുളം 1.5 കോടി, കോട്ടയം 1.4 കോടി, കാസർകോട് 1.2 കോടി, പത്തനംതിട്ട 1.1 കോടി എന്നിവയാണ് മറ്റു ജില്ലകളിലെ ചക്ക കണക്കുകൾ.

Leave A Reply