പൂമല ജലസംഭരണിയിലെ ഷട്ടറുകള്‍ തുറന്നു

തൃശൂര്‍: കനത്ത മഴയെത്തുടര്‍ന്ന് ജലവിതാനം ഉയര്‍ന്നതോടെ പൂമല ജലസംഭരണിയിലെ ഷട്ടറുകള്‍ തുറന്നു. ഡാമിന്റെ സ്പില്‍വേ ഷട്ടറുകളായ 1, 3 എന്നിവ കാല്‍ ഇഞ്ച് വീതം തുറന്നു.

ഡാമിന്റെ സംഭരണശേഷി 29 അടിയാണ്. ജലനിരപ്പ് 27.6 അടിയായതോടെ രണ്ടാമത്തെ അപകടസൂചന പുറപ്പെടുവിച്ചിരുന്നു. മലവായ് തോടിന്റെ കരകളില്‍ താമസിക്കുന്നവര്‍ ജാഗ്രത പുലര്‍ത്തണമെന്ന് അധികൃതര്‍ നിര്‍ദേശം നല്‍കി.

ജില്ലയിൽ മഴ ശക്തമായ സാഹചര്യത്തിൽ പെരിങ്ങൽക്കുത്ത് ഡാമിന്റെ രണ്ട് സ്ലൂയിസ് വാൾവുകൾ ഇന്നലെ തുറന്നു. പകൽ രണ്ടോടെ ആദ്യ വാൽവ്‌ തുറന്നു. നാലോടെ രണ്ടാമത്തെ വാൽവും തുറന്നു.   400 ക്യുമെക്‌സ് ജലമാണ്‌  ചാലക്കുടി പുഴയിലേക്ക് ഒഴുക്കുന്നത്‌.  ചാലക്കുടി പുഴയിലെ ജലനിരപ്പ് ഒരു മീറ്ററോളം ഉയരാൻ സാധ്യതയുണ്ട്‌.

Leave A Reply