വയറ്റിലെ അണുബാധയെ തുടര്‍ന്ന് ഗര്‍ഭിണി മരിച്ച സംഭവം; ഭര്‍ത്താവ് റിമാൻഡിൽ

കോ​ഴ​ഞ്ചേ​രി: പത്തനംതിട്ട ജില്ലയിലെ ആ​റ​ന്മു​ള കു​ഴി​ക്കാ​ല സ്വദേശിനി അ​നി​ത​യു​ടെ (29) മ​ര​ണത്തിൽ അറസ്റ്റിലായ ഭാ​ർ​ത്താവ് റിമാൻഡിൽ. മ​ല്ല​പ്പു​ഴ​ശ്ശേ​രി കു​റു​ന്താ​ർ ജ്യോ​തി നി​വാ​സി​ൽ ജ്യോ​തി​ഷിനെ​ (31) ഇന്നലെയാണ് പോലീസ് അറസ്റ്റ് ചെയ്തത്. സ്ത്രീ​ധ​ന പീ​ഡ​ന വ​കു​പ്പു​ക​ൾ പ്ര​കാ​ര​വും ജു​വ​നൈ​ൽ ജ​സ്റ്റി​സ് നി​യ​മ​പ്ര​കാ​ര​വു​മാ​ണ് ഇയാൾക്കെതിരെ കേസ് എടുത്തിരിക്കുന്നത്.

മൂ​ന്ന് വ​ർ​ഷങ്ങൾക്ക് മു​മ്പാ​ണ് ഇ​യാ​ൾ അ​നി​ത​യെ സ്നേ​ഹി​ച്ച് വി​വാ​ഹം ക​ഴി​ച്ച​ത്. വി​വാ​ഹ​ത്തി​നു ന​ൽ​കി​യ സ്വ​ർ​ണാ​ഭ​ര​ണ​ങ്ങ​ളും വാ​ഹ​ന​വും വി​റ്റു ചെ​ല​വ​ഴി​ക്കു​ക​യും യു​വ​തി​യു​ടെ വീ​ട്ടി​ൽ താ​മ​സി​ച്ച് ഭാ​ര്യ​ക്കും കു​ട്ടി​ക്കും ചെ​ല​വി​നു കൊ​ടു​ക്കാ​തെ​യും ജീ​വി​ക്കു​ക​യാ​യി​രു​ന്നു എ​ന്ന് പോ​ലീ​സ് പ​റ​ഞ്ഞു. ആ​ദ്യ പ്ര​സ​വ​ത്തി​നു ശേ​ഷം പെ​ട്ടെ​ന്നു​ത​ന്നെ ഭാ​ര്യ വീ​ണ്ടും ഗ​ർ​ഭി​ണി​യാ​യ വി​വ​രം ബ​ന്ധു​ക്ക​ളി​ൽ​നി​ന്ന്​ മ​റ​ച്ചു​വെ​ച്ചു.ഇതോടെ ആവശ്യമായ ചി​കി​ത്സ​യും പ​രി​ച​ര​ണ​വും ന​ൽ​കാ​തെ വ​ന്ന​ത് ഗ​ർ​ഭ​സ്ഥ​ശി​ശു മ​രി​ക്കു​ന്ന​തി​നു ഇ​ട​യാ​ക്കി.

മ​രി​ച്ച ശി​ശു​വി​നെ നീ​ക്കം ചെ​യ്യാ​ൻ കൂ​ടു​ത​ൽ സൗ​ക​ര്യ​ങ്ങ​ളു​ള്ള ആ​ശു​പ​ത്രി​യി​ലേ​ക്ക് മട്ടൻ ഡോക്ടർ നിർദേശിച്ചിരുന്നു. എന്നാൽ അ​വി​ടെ കൊ​ണ്ടു​പോ​കാ​തെ ര​ണ്ടു മാ​സ​ത്തോ​ളം വ​യ​റ്റി​ൽ കി​ട​ക്കു​ന്ന​തി​ന് ഇ​ട​യാ​ക്കി. ഇതോടെ ശ​രീ​ര​മാ​സ​ക​ലം ഉ​ണ്ടാ​യ അ​ണു​ബാ​ധ മൂ​ലം തി​രു​വ​ന​ന്ത​പു​രം മെ​ഡി​ക്ക​ൽ കോളേജ് ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ അ​നി​ത ജൂ​ൺ 28ന് ​മ​രി​ക്കു​ക​യാ​യി​രു​ന്നു.യുവതിയെ ആ​ശു​പ​ത്രി​യി​ലെ​ത്തി​ച്ച ശേ​ഷം അ​വി​ടെ​നി​ന്ന്​ മു​ങ്ങി​യ പ്ര​തി ഭാ​ര്യ​യു​ടെ ചി​കി​ത്സ​ക്കാ​യി പ​ല​രി​ൽ​നി​ന്നും പ​ണം വാ​ങ്ങി​യ ശേ​ഷം സ്വ​ന്തം ആവശ്യങ്ങൾക്കായി ചെ​ല​വ​ഴി​ക്കു​ക​യാ​യി​രു​ന്നു. തു​ട​ർ​ന്നാ​ണ് ഇയാൾക്കെതിരെ കേ​സ് ര​ജി​സ്റ്റ​ർ ചെ​യ്ത് അ​റ​സ്റ്റ് ചെ​യ്ത​ത്.

പ്ര​തി​യെ പ​ത്ത​നം​തി​ട്ട ഒ​ന്നാം ക്ലാ​സ്​ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു. ആ​റ​ന്മു​ള ഇ​ൻ​സ്പെ​ക്ട​ർ സി.​കെ. മ​നോ​ജ്, എ​സ്.​ഐ അ​നി​രു​ദ്ധ​ൻ, എ​സ്.​ഐ ഹ​രീ​ന്ദ്ര​ൻ, എന്നിവരുടെ നേതൃത്വത്തിലുള്ള സംഘമാണ് അ​ന്വേ​ഷ​ണം ന​ട​ത്തു​ന്ന​ത്.