കുടിശ്ശിക 10​ കോടി; ഡെന്‍റൽ കോളേജ് കെട്ടിട നിർമാണം അനിശ്ചിതമായി നീളുന്നു

അ​മ്പ​ല​പ്പു​ഴ: ഗ​വ. ഡെ​ന്‍റ​ൽ കോ​ളേജ് കെ​ട്ടി​ട നി​ർ​മാ​ണം അനന്തമായി നീ​ളു​ന്നു. ഇ​തോ​ടെ സൗ​ക​ര്യ​ങ്ങ​ൾ കു​റ​ഞ്ഞ പാ​രാ​മെ​ഡി​ക്ക​ൽ കെ​ട്ടി​ട​ത്തി​ലാ​ണ് നിലവിൽ കോ​ളേ​ജി​ന്‍റെ പ്ര​വ​ർ​ത്ത​നം.കോളേ​ജി​ന്റെ ഒ​ന്നാം ഘ​ട്ടം പ​ണി മാ​ത്ര​മാ​ണ് ഇതിനോടകം​ പൂ​ർ​ത്തി​യാക്കാനായത്. ര​ണ്ടാം ഘ​ട്ടം പ​ണി​യാ​ണ്​ പാ​തി​വ​ഴി​യി​ലാ​യ​ത്. മൂ​ന്ന്​ ബി​ല്ലു​ക​ളി​ലാ​യി 10 കോ​ടി​യാ​ണ് ക​രാ​ർ ഏ​ജ​ൻ​സി​ക്ക് സ​ർ​ക്കാ​ർ ന​ൽ​കാ​നു​ള്ള​ത്.ഇതോടെ ഒ​രു വ​ർ​ഷ​ത്തി​ലേ​റെ​യാ​യി നി​ർ​മാ​ണം ഇ​ഴ​യു​ക​യാ​ണ്.

2014 ആ​ഗ​സ്റ്റ് 16ന് ​അന്നത്തെ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യാ​ണ് കോളേ​ജ് ഉ​ദ്ഘാ​ട​നം ചെ​യ്ത​ത്. ഒ​ന്നാം ഘ​ട്ട​ത്തി​ന് 26.7 കോ​ടി​യും ര​ണ്ടാം ഘ​ട്ട​ത്തി​ന് 31.74 കോ​ടി​യും അ​ട​ക്കം ആ​കെ 58.44 കോ‌​ടി അ​നു​വ​ദി​ച്ചി​രു​ന്നു. എ​ന്നാ​ൽ, കെ​ട്ടി​ടം നി​ർ​മാ​ണം 2017ലാ​ണ് തു​ട‌‌​ങ്ങി​യ​ത്. ര​ണ്ടു വ​ർ​ഷ​ത്തി​നു​ള്ളി​ൽ കെ​ട്ടി​ടം പ​ണി പൂ​ർ​ത്തി​യാ​യി കോ​ള​ജ് ഇ​വി​ടേ​ക്ക് മാ​റ്റു​മെ​ന്നാ​ണ് അന്ന് അ​ധി​കാ​രി​ക​ൾ അ​റി​യി​ച്ച​ത്. 50 വി​ദ്യാ​ർ​ഥി​ക​ൾ​ക്കാ​ണ് പ്ര​വേ​ശ​നം. ഇ​ന്ത്യ​ൻ ഡെ​ന്‍റ​ൽ കൗ​ൺ​സി​ൽ പ്ര​തി​നി​ധി​ക​ൾ എ​ല്ലാ വ​ർ​ഷ​വും പ​രി​ശോ​ധ​ന ന​ട​ത്തി പു​തി​യ കെ​ട്ടി​ട​ത്തി​ലേ​ക്ക് മാ​റ്റ​ണ​മെ​ന്ന് നി​ർ​ദേ​ശി​ക്കാ​റു​ണ്ട്.

നി​ല​വി​ലെ കെ​ട്ടി​ട​ത്തി​ലാ​ണ്​ കോ​ള​ജും ആ​ശു​പ​ത്രി​യും പ്ര​വ​ർ​ത്തി​ക്കു​ന്ന​ത്. കോളേജ് കെ​ട്ടി‌​ട‌ നി​ർ​മാ​ണം അനിശ്ചിതമായി നീ​ണ്ടാ​ൽ കോളേജി​ന്റെ അം​ഗീ​കാ​രം പ്ര​തി​സ​ന്ധി​യി​ലാ​കും. കെ​ട്ടി​ട നി​ർ​മാ​ണ​വു​മാ​യി ബ​ന്ധ​പ്പെ​ട്ട് ക​രാ​റു​കാ​ർ​ക്ക് തു​ക ന​ൽ​കി നി​ർ​മാ​ണം പൂ​ർ​ത്തി​യാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് മെ​ഡി​ക്ക​ൽ വി​ദ്യാ​ഭ്യാ​സ ഡ​യ​റ​ക്ട​ർ​ക്ക് ക​ത്ത് ന​ൽ​കി​യി​ട്ടു​ണ്ട്.

Leave A Reply