കൊച്ചിയിൽ ഡെങ്കിപ്പനി പടരുന്നു: കൊതുക് നിർമാർജന സ്ക്വാഡിന്റെ പ്രവർത്തനം നിലച്ചു, പ്രതിഷേധം

എറണാകുളം: കൊച്ചി ന​ഗ​ര​ത്തി​ൽ ഡെ​ങ്കി​പ്പ​നി ബാധിതരുടെ എണ്ണം വൻതോതിൽ വ​ർ​ധി​ക്കു​മ്പോ​ഴും ന​ഗ​ര​സ​ഭ​യു​ടെ കൊ​തു​ക് നി​ർ​മാ​ർ​ജ​ന സ്ക്വാ​ഡി​ന്റെ പ്ര​വ​ർ​ത്ത​നം നി​ല​ച്ചു. മാ​ർ​ച്ച് 31ന്​ ​പ്ര​വ​ർ​ത്ത​നം അ​വ​സാ​നി​പ്പി​ച്ചെ​ന്നും നി​ല​വി​ൽ പു​തി​യ സ്‌​ക്വാ​ഡ് രൂ​പ​വ​ത്​​ക​രി​ച്ചി​ട്ടി​ല്ലെ​ന്നു​മാ​ണ്​ വി​വ​രാ​വ​കാ​ശ പ്ര​കാ​രം ന​ൽ​കി​യ ചോ​ദ്യ​ത്തി​ന്​​ ന​ഗ​ര​സ​ഭ​യിൽ നിന്നും ലഭിച്ച മ​റു​പ​ടി.

മ​ട്ടാ​ഞ്ചേ​രി സ്വ​ദേ​ശി കെ. ​ഗോ​വി​ന്ദ​ൻ ന​മ്പൂ​തി​രി​ക്ക് ന​ഗ​ര​സ​ഭ ആ​രോ​ഗ്യ വി​ഭാ​ഗം ന​ൽ​കി​യ മ​റു​പ​ടി​യി​ലാ​ണ് ഈ ​വി​വ​ര​ങ്ങ​ൾ അടങ്ങിയിട്ടുള്ളത്. കൊ​തു​ക് നി​വാ​ര​ണ പ്ര​വ​ർ​ത്ത​ന ഭാ​ഗ​മാ​യി ചെ​റി​യ കാ​ന​ക​ൾ വൃ​ത്തി​യാ​ക്കു​ന്ന​തി​ന് 25,000 രൂ​പ​യും മ​ഴ​ക്കാ​ല പൂ​ർ​വ ശു​ചീ​ക​ര​ണ​ത്തി​ന്​ 30,000 രൂ​പ​യും ഓ​രോ വാ​ർ​ഡി​നും ന​ൽ​കി​യി​ട്ടു​ണ്ടെന്നും​ മ​റു​പ​ടി​യി​ൽ വ്യ​ക്ത​മാ​ക്കു​ന്നു​ണ്ടെ​ങ്കി​ലും യാ​തൊ​രു പ്ര​വ​ർ​ത്ത​ന​വും ന​ട​ക്കു​ന്നി​ല്ലെ​ന്നാ​ണ് ഉയരുന്ന​ ആ​രോ​പ​ണം.

ഡെ​ങ്കി​പ്പ​നി അടക്കമുള്ള രോഗങ്ങൾ വർധിക്കുന്ന സാഹചര്യത്തിൽ കൊ​തു​ക് നി​ർ​മാ​ർ​ജ​ന സ്‌​ക്വാ​ഡ് പു​നഃ​സം​ഘ​ടി​പ്പി​ക്ക​ണ​മെ​ന്ന ആ​വ​ശ്യം ശക്തമാവുകയാണ്.