യുക്രെയ്‌ന് യൂറോപ്യന്‍ യൂണിയൻ അംഗത്വത്തിനായുള്ള സ്ഥാനാര്‍ത്ഥി പദവി നല്‍കും

യുക്രെയ്‌ന് യൂറോപ്യന്‍ യൂണിയൻ അംഗത്വത്തിനായുള്ള സ്ഥാനാര്‍ത്ഥി പദവി നല്‍കും.

ബ്രസല്‍സില്‍ നടന്ന ഉച്ചകോടിയില്‍ യൂറോപ്യന്‍ യൂണിയന്റെ 27 രാജ്യങ്ങളുടെ നേതാക്കള്‍ യുക്രെയ്‌ന് അംഗത്വത്തിനായുള്ള സ്ഥാനാര്‍ത്ഥി പദവി നല്‍കുന്നതിന് ഏകകണ്ഠമായ അംഗീകാരം നല്‍കുകയായിരുന്നു. യുക്രെയിന്‍ പ്രതിരോധ മന്ത്രാലയമാണ് ട്വിറ്ററിലൂടെ ഇക്കാര്യം അറിയിച്ചത്.

വ്യാഴാഴ്ച നടന്ന യൂറോപ്യന്‍ കൗണ്‍സില്‍ യോഗത്തിന് മുമ്ബ് സ്ഥാനാര്‍ത്ഥി പദവിയുള്ള ആറ് പടിഞ്ഞാറന്‍ ബാള്‍ക്കന്‍ രാജ്യങ്ങളുമായി യൂറോപ്യന്‍ യൂണിയന്‍ ചര്‍ച്ചകള്‍ നടത്തിയിരുന്നു.

‘ഇത് ആഘോഷിക്കാനുള്ള ഒരു ദിവസമായിരിക്കാം… പക്ഷേ ഞങ്ങളുടെ അപേക്ഷ നമ്മുടെ യോദ്ധാക്കളുടെയും സാധാരണക്കാരുടെയും രക്തത്തില്‍ എഴുതിയതായിരുന്നു. ഞങ്ങള്‍ പടിഞ്ഞാറോട്ട് നീങ്ങുകയാണ്. പക്ഷേ ഞങ്ങളുടെ യുദ്ധം കിഴക്ക് തുടരുകയാണ്.’ എന്നാണ് പ്രതിരോധ മന്ത്രാലയത്തിന്റെ ട്വീറ്റ്.

Leave A Reply