കാ​ട്ടാ​ന ശ​ല്യം അതിരൂക്ഷം; പകൽ പോലും പുറത്തിറങ്ങാൻ ഭയന്ന് ജനം

അ​യ്യ​മ്പു​ഴ: മ​ല​യാ​റ്റൂ​ർ, ക​ണ്ണി​മം​ഗ​ലം മേഖലകളിൽ കാ​ട്ടാ​ന ശ​ല്യം അതിരൂക്ഷം. പ​ക​ലും കാ​ട്ടാ​ന​ക​ൾ പ്ര​ദേ​ശ​വാ​സി​ക​ൾ​ക്ക്​ ഭീ​ഷ​ണി​യാ​യി​ മാറുകയാണ്. വാ​ഹ​ന​ങ്ങ​ളും ആ​ളു​ക​ളും സ്ഥി​രം സ​ഞ്ച​രി​ക്കു​ന്ന റോ​ഡി​ലൂ​ടെ​യാ​ണ് ആ​ന​ക​ൾ ക​ട​ന്നു​പോ​കു​ന്ന​ത്.പ്രദേശത്ത് നി​ര​വ​ധി ത​വ​ണ കാ​ട്ടാ​ന​ക​ളെ ക​ണ്ട​താ​യി നാ​ട്ടു​കാ​ർ പറയുന്നു.

ഈ പ്രദേശത്ത് നിന്നുമാണ് രണ്ടു തവണ വ​നം വ​കു​പ്പ് ഉ​ദ്യോ​ഗ​സ്ഥ​ർ പു​ലി​യെ പി​ടി​കൂ​ടി​യ​തും. കാ​ട്ടാ​ന​ക​ളു​ടെ ശ​ല്യം മൂ​ലം പ്ര​ദേ​ശ​വാ​സി​ക​ൾ ഭീ​തി​യോ​ടെ​യാ​ണ് വീ​ടു​ക​ളി​ൽ ക​ഴി​യു​ന്ന​ത്. പ്ര​ദേ​ശ​ത്തെ കൃ​ഷി​ക​ളും കാ​ട്ടാ​ന​ക​ൾ വ്യാപകമായി നശിപ്പിക്കുന്നുണ്ട്. ല​ക്ഷ​ക്ക​ണ​ക്കി​ന്​ രൂ​പ​യു​ടെ നാ​ശ​ന​ഷ്ട​മാ​ണ് ഇ​വ​യു​ടെ ശ​ല്യം മൂ​ലം ഉ​ണ്ടാ​കു​ന്ന​ത്. അ​ടി​യ​ന്ത​ര പ​രി​ഹാ​രം കാ​ണ​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.

Leave A Reply