വണ്ണപ്പുറത്ത് തെരുവു​നായ ശല്യം രൂക്ഷം; 12 പേർക്ക്​ കടിയേറ്റു

നെടുങ്കണ്ടം: വണ്ണപ്പുറം പഞ്ചായത്തിലെ വിവിധ പ്രദേശങ്ങളിൽ തെരുവുനായുടെ ആക്രമണത്തിൽ നിരവധിപേർക്ക് പരിക്ക്. മുണ്ടൻമുടിയിലും നെടുങ്കണ്ടത്തുമാണ് തെരുവുനായുടെ ആക്രമണത്തിൽ സ്ത്രീകളടക്കം 12 പേർക്ക്​ കടിയേറ്റത്. മുണ്ടൻമുടി പ്രദേശത്ത്​ അഞ്ചുപേർക്കും നെടുങ്കണ്ടത്തിന് സമീപം കല്‍ക്കൂന്തല്‍, കരടിവളവ്, മഞ്ഞപ്പെട്ടി, കട്ടക്കാല എന്നിവിടങ്ങളിൽ വയോധികയടക്കം ഏഴ്​​ പേർക്കുമാണ്​ കടിയേറ്റത്​.

മുണ്ടൻമുടിയിൽ ചിറ്റടിയിൽ വർക്കി (69), കറുകപ്പിള്ളിൽ ലില്ലിക്കുട്ടി ജോസഫ്​ (70), പരിയാത്ത്​ ശാലിനി സന്ദീപ്​ (38), വലിയവീട്ടിൽ ടിൻസ്​ (34), കൊല്ലംപറമ്പിൽ മറിയം ചാക്കോ (92) എന്നിവരെയാണ്​ ബുധനാഴ്ച രാവിലെ തെരുവുനായ്​ കടിച്ചത്​​. പരിക്കേറ്റവർ​ തൊടുപുഴയിലെ ജില്ല ആശുപത്രിയിൽ ചികിത്സ തേടി.

നെടുങ്കണ്ടത്ത് രണ്ട് ദിവസത്തിനിടെ ഏഴുപേരെ നായ്​ കടിച്ചത്​. രാവിലെ വീടിന് സമീപത്തെ കൃഷിയിടത്തിലേക്ക്​ ഇറങ്ങിയ 75കാരി രത്നമ്മയെ ആക്രമിക്കുകയായിരുന്നു. മഞ്ഞപ്പെട്ടി മേഖലയില്‍ പുലര്‍ച്ച നടക്കാനിറങ്ങിയവർക്കാണ്​ കടിയേറ്റത്​. പരിക്കേറ്റവർ നെടുങ്കണ്ടം താലൂക്ക് ആശുപത്രിയില്‍ ചികിത്സ തേടി.

Leave A Reply