രാജ്യത്ത് നിലവില്‍ 83,990 പേർ കോവിഡ് ബാധിച്ച് ചികിത്സയിലെന്ന് റിപ്പോർട്ട്
ന്യൂഡെൽഹി: രാജ്യത്ത് നിലവിലെ കോവിഡ് രോഗബാധിതരുടെ എണ്ണം 83,990 ആയി. ഇത് രാജ്യത്തെ മൊത്തം സജീവ കേസുകളുടെ 0.19% ആണ്.
ദേശീയ രോഗമുക്തി നിരക്ക് 98.60 % ആണ്. കഴിഞ്ഞ 24 മണിക്കൂറിനുള്ളില്‍ 10,972 പേര്‍ സുഖം പ്രാപിച്ചതോടെ രാജ്യത്താകെ ഇതുവരെ കോവിഡ് മുക്തരായവരുടെ എണ്ണം 4,27,36,027 ആയി. കേന്ദ്ര ആരോഗ്യ മന്ത്രാലയമാണ് കണക്കുകൾ പുറത്തു വിട്ടത്.
കഴിഞ്ഞ 24 മണിക്കൂറിനുള്ളില്‍ ഇന്ത്യയില്‍ പുതുതായി രോഗം സ്ഥിരീകരിച്ചത് 13,313 പേര്‍ക്കാണ്.
കഴിഞ്ഞ 24 മണിക്കൂറിനുള്ളില്‍ 6,56,410 പരിശോധനകള്‍ നടത്തി. ആകെ 85.94 കോടിയിലേറെ (85,94,93,387) പരിശോധനകളാണ് ഇന്ത്യ ഇതുവരെ നടത്തിയത്.
രാജ്യത്തുടനീളം പരിശോധനാശേഷി വര്‍ദ്ധിപ്പിച്ചപ്പോഴും പ്രതിവാര രോഗസ്ഥിരീകരണ നിരക്ക് 2.81 ശതമാനമാണ്. പ്രതിദിന രോഗസ്ഥിരീകരണ നിരക്ക് 2.03 ശതമാനമാണ്.