ജെ.സി.ഐ “കുമാർ” ദേശീയ പരിശീലന ക്യാംപിനു തുടക്കമായി
ജൂനിയർ ചേംബർ ഇൻറർനാഷണൽ ഇന്ത്യയുടെ വിദ്യാർത്ഥികൾക്കുള്ള ദേശീയ പരിശീലന പരിപാടിയായ കുമാറിന് പാലക്കാട് ധോണിയിൽ തുടക്കമായി . ജെ.സി.ഐ പാലക്കാട് ലീഡ് കോളേജ് ആതിഥേയത്വം വഹിക്കുന്ന ക്യാംപ് മുൻ ദേശീയ പ്രസിഡണ്ട് സന്തോഷ് കുമാർ.പി ഉത്ഘാടനം ചെയ്തു .
സമൂഹത്തിൽ ക്രിയാത്മക മാറ്റങ്ങൾ സൃഷ്ടിക്കാൻ പുതിയ തലമുറ സന്നദ്ധരാകണമെന്ന് അദ്ദേഹം പറഞ്ഞു . ദേശീയ ജൂനിയർ ജേസീസ് കോ ഓർഡിനേറ്റർ സജിത്ത് കുമാർ അദ്ധ്യക്ഷത വഹിച്ച ചടങ്ങിൽ മേഖലാ പ്രസിഡണ്ട് രാകേഷ് മേനോൻ വിശിഷ്ടാതിഥിയായി . വർഷ എസ് കുമാർ , ശബരീഷ് .എസ് , രജനീഷ് .ആർ എന്നിവർ സംസാരിച്ചു .
രമ്യ.ആർ സ്വാഗതവും , ആദിത്യരാജ്‌ നന്ദിയും പറഞ്ഞു . കേരളം, കർണാടക , തമിഴ്‌നാട് , ആന്ധ്ര , തെലങ്കാന , ഗോവ എന്നിവിടങ്ങളിൽ നിന്നായി എൺപതോളം പേർ പങ്കെടുക്കുന്ന പരിപാടിക്ക് പരിശീലകരായ ശീതൾ ഗാന്ധി , കരുണ സതർദേക്കർ , ശരണ്യ ബില്ല എന്നിവർ നേതൃത്വം നൽകും .
