മോഷണവും പിടിച്ചുപറിയും; യുവാവ് പോലീസ് പിടിയിൽ

കൊല്ലം: മോഷണവും പിടിച്ചുപറിയും നടത്തിവന്നയാളെ കൊല്ലം ഈസ്റ്റ് പോലീസ് അറസ്റ്റ് ചെയ്തു. ഇരവിപുരം പനമൂട് വള്ളക്കടവ് സൂനാമി ഫ്ലാറ്റിൽ ചട്ടി അപ്പു എന്ന പ്രിൻസ്​ ജോസഫ് (23) ആണ് അറസ്റ്റിലായത്. 2021 ൽ മുണ്ടക്കൽ എച്ച്.സി ​േകാമ്പൗണ്ടിൽ അതിക്രമിച്ച് കയറി അന്തർസംസ്ഥാന തൊഴിലാളികളുടെ മൊബൈൽ ഫോണുകളും പണവും അപഹരിച്ച കേസിലെ ഒന്നാം പ്രതിയാണ് ഇയാൾ​.

മോഷണസംഘത്തിൽ ഉൾപ്പെട്ട മറ്റ് പ്രതികളെ നേരത്തെ തന്നെ പോലീസ്​ പിടികൂടിയിരുന്നു. പ്രിൻസ്​ മുൻകൂർ ജാമ്യത്തിന് ശ്രമിച്ചെങ്കിലും കോടതി നിരസിച്ചതിനെതുടർന്ന് ജില്ല പൊലീസ്​ മേധാവി ടി. നാരായണന്‍റെ നിർദേശപ്രകാരമാണ് അറസ്റ്റ് ചെയ്തത്. കൺട്രോൾ റൂം ഇൻസ്​പെക്ടർ എസ്.ടി. ബിജു, എസ്.ഐ ജയശങ്കർ, ജി.എസ്​.ഐമാരായ പ്രമോദ്, അൻസർഖാൻ, എസ്​.സി.പി.ഒ സജീവ്, സി.പി.ഒമാരായ സുനിൽ, അഭിലാഷ് എന്നിവരുൾപ്പെട്ട സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.