കർക്കിടക വാവ് ബലി വിപുലമായി നടത്താൻ ഉന്നതതല യോഗം തീരുമാനിച്ചു

കർക്കിടക വാവ് ബലി വിപുലമായി നടത്താൻ ഉന്നതതല യോഗം തീരുമാനിച്ചു.കൊവിഡ് പ്രശ്നങ്ങളെ തുടർന്ന് രണ്ട് വർഷമായി മുടങ്ങിയ ബലിയാണ് ഇത്തവണ വിപുലമായി നടത്താൻ ഒരുങ്ങുന്നത്. ചടങ്ങുകൾ എല്ലാവിധ സുരക്ഷാ സൗകര്യങ്ങളും ഏർപ്പെടുത്തിയും ഹരിത ചട്ടങ്ങൾ പാലിച്ചും നടത്താനാണ് തീരുമാനമെന്ന് മന്ത്രി കെ രാധാകൃഷ്ണൻ അറിയിച്ചു.

മന്ത്രി ആന്റണി രാജു , തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ. അനന്തഗോപൻ, ഉന്നത ഉദ്യോഗസ്ഥർ തുടങ്ങിയവർ ദേവസ്വം മന്ത്രി കെ രാധാകൃഷ്ണൻ വിളിച്ച യോഗത്തിൽ പങ്കെടുത്തു. അതാത് ജില്ലാ കലക്ടർമാരെ പ്രധാന ബലി തർപ്പണ കേന്ദ്രങ്ങളിലെ സൗകര്യങ്ങൾ ഉറപ്പാക്കുന്നതിന് യോഗം ചുമതലപ്പെടുത്തി.

ഉദ്യോഗസ്ഥർക്ക് മന്ത്രി കെ രാധാകൃഷ്ണൻ യാത്രാ സൗകര്യങ്ങൾ, മെഡിക്കൽ, ആംബുലൻസ്, ലൈഫ് ഗാർഡ്, ഫയർഫോഴ്സ് തുടങ്ങി എല്ലാവിധ അവശ്യ സേവനങ്ങളും ഉറപ്പാക്കാൻ നിർദേശം നൽകി. ആലുവ, തിരുവല്ലം, വർക്കല, കൊല്ലം, തിരുനെല്ലി ഉൾപ്പെടെയുള്ള ചെറുതും വലുതുമായ കേന്ദ്രങ്ങളിൽ വിവിധ സൗകര്യങ്ങളും സുരക്ഷയും ഒരുക്കും.

 

 

Leave A Reply