നടിയെ ആക്രമിച്ച കേസ് :പ്രോസിക്യൂഷന് കോടതിയുടെ താക്കീത്

ദിലീപിന്റെ ജാമ്യം നടിയെ ആക്രമിച്ച കേസില്‍ റദ്ദാക്കണമെന്ന ഹര്‍ജിയില്‍ വാദം തുടരും. വിചാരണ കോടതി കേസ് ഈ മാസം 19ന് വീണ്ടും പരിഗണിക്കും. പ്രോസിക്യൂഷന് നേരെ രൂക്ഷവിമര്‍ശനങ്ങളാണ് ഇന്ന് കേസ് പരിഗണിക്കുന്ന വേളയില്‍ കോടതി ഉയര്‍ത്തിയത്. വിചാരണ കോടതി ഇന്ന് പ്രോസിക്യൂഷനോട് സഹതാപമുണ്ടെന്നുള്‍പ്പെടെയുള്ള കാര്യങ്ങൾ പറഞ്ഞു. പ്രോസിക്യൂഷൻ  കോടതിയെ കളങ്കപ്പെടുത്താന്‍ ശ്രമിക്കരുതെന്ന താക്കീത് കോടതി നല്‍കി

വ്യക്തമായ തെളിവുകള്‍ പ്രോസിക്യൂഷന്‍ കേസില്‍ ഹാജരാക്കുന്നില്ലെന്ന് വിചാരണാ കോടതി വിമര്‍ശിച്ചു. നേരിട്ടുള്ള തെളിവുകള്‍ ദിലീപ് സാക്ഷികളെ സ്വാധീനിച്ചതിന് എന്തുണ്ടെന്ന് കോടതി ചോദിച്ചു.

പ്രോസിക്യൂഷന്‍ ആരോപണം നിഗമനങ്ങളുടെ മാത്രം അടിസ്ഥാനത്തില്‍ ഉന്നയിക്കരുത്. പ്രോസിക്യൂഷന്‍ വാദത്തിനിടെ ചോദ്യങ്ങളോട് അസ്വസ്ഥത പ്രകടിപ്പിക്കുന്നത് എന്തിനാണെന്ന് കോടതി ചോദിച്ചു. പൊതുജനാഭിപ്രായം നോക്കിയല്ല കോടതി പ്രവര്‍ത്തിക്കേണ്ടത് എന്നും കുറ്റപ്പെടുത്തി. ‘കോടതി ജീവനക്കാരെ ചോദ്യം ചെയ്യാന്‍ വൈകുന്നത് എന്തുകൊണ്ടാണ്? രഹസ്യ രേഖകള്‍ കോടതിയില്‍ നിന്ന് ചോര്‍ന്നെന്ന ആരോപണത്തില്‍ ചോദ്യം ചെയ്യല്‍ വൈകുകയാണ്. മാര്‍ച്ച് 30ന് അന്വേഷണത്തിന് കോടതി അനുമതി നല്‍കിയിട്ട് പിന്നീട് എന്തുണ്ടായി? രേഖകള്‍ കോടതിയില്‍ നിന്ന് ചോര്‍ന്നിട്ടില്ലെന്നും വിചാരണാ കോടതി വ്യക്തമാക്കി. ദിലീപിന്റെ ഫോണിലുണ്ടായിരുന്നത് രഹസ്യ രേഖകളല്ലെന്നും വിചാരണാ കോടതി ചൂണ്ടിക്കാട്ടി.

അതേസമയം എ ഡി ജി പി ഷെയ്ഖ് ദര്‍ബേഷ് സാഹിബ് കേസിലെ അന്വേഷണ പുരോഗതി വിലയിരുത്തി. എ ഡി ജി പി കാവ്യ മാധവന്റെ മൊഴി ഉള്‍പ്പെടെയുള്ള വിവരങ്ങള്‍ പരിശോധിച്ചു. വീണ്ടും എ ഡി ജെ പി
മാധ്യമങ്ങള്‍ക്ക് വിവരങ്ങള്‍ നല്‍കരുതെന്ന് കര്‍ശന നിര്‍ദേശം നല്‍കി. അന്വേഷണസംഘം കാവ്യയെ ചോദ്യം ചെയ്തത് ആലുവയിലെ പത്മസരോവരം വീട്ടില്‍ വെച്ച് നാലര മണിക്കൂര്‍ ആണ് .

Leave A Reply