21 കാരിയെ സുഹൃത്തുക്കൾ കൂട്ടബലാത്സംഗത്തിനിരയാക്കി ഉപേക്ഷിച്ചു

21 കാരിയെ സുഹൃത്തുക്കൾ കൂട്ടബലാത്സംഗത്തിനിരയാക്കി ഉപേക്ഷിച്ചു

മഥുര: 21 കാരിയെ സുഹൃത്തുക്കൾ കാറിൽ ബലാത്സംഗത്തിനിരയാക്കി. പ്രതികളിലൊരാളെ പൊലീസ് അറസ്റ്റ് ചെയ്തു. ഉത്തർപ്രദേശിലെ മഥുരയിലാണ് ദാരുണ സംഭവം.ആഗ്രയിൽ നടന്ന സബ് ഇൻസ്പെക്ടമാരുടെ മത്സര പരീക്ഷയിൽ പങ്കെടുത്ത ശേഷമുള്ള മടക്കയാത്രയിലാണ് പെൺകുട്ടിയെ സുഹൃത്തുക്കൾ പീഡനത്തിനിരയാക്കിയത്. കാറിൽ വെച്ച് പീഡിപ്പിച്ച ശേഷം പെൺകുട്ടിയെ മഥുരയിലെ കോസി കലൻ എന്ന പ്രദേശത്ത് ഉപേക്ഷിക്കുകയായിരുന്നുവെന്നും പൊലീസ് വ്യക്തമാക്കി.

അതെ സമയം പ്രതികളിലൊരാളായ തജ്വീറിനെ പൊലീസ് നേരത്തെ തന്നെ അറസ്റ്റ് ചെയ്തിരുന്നു . ഇയാൾക്കൊപ്പമുണ്ടായിരുന്ന ദിഗംമ്പർ എന്നയാൾക്ക് വേണ്ടി പൊലീസ് തിരച്ചിൽ തുടരുകയാണ്. 22ഉം 25ഉം പ്രായമായ രണ്ടു പ്രതികളും ഹരിയാനയിലെ മാൻപൂർ വില്ലേജ് സ്വദേശികളാണ്.

സമൂഹമാധ്യത്തിലൂടെയാണ് പീഡനത്തിന് ഇരയായ പെൺകുട്ടിയും പ്രതിയായ തജ്വീറും പരിചയപ്പെട്ടത്. തുടർന്ന് പെൺകുട്ടിയുടെ വിശ്വാസ്യത തജ്വീർ നേടിയെടുക്കുകയായിരുന്നു എന്ന് പൊലീസ് അറിയിച്ചു. പെൺകുട്ടിയുടെ സഹോദരൻ സമർപ്പിച്ച പരാതിയിൽ പൊലീസ് കേസ് രജിസ്റ്റർ ചെയ്തു. പെൺകുട്ടിയെ മെഡിക്കൽ പരിശോധനക്ക് വിധേയമാക്കിയ ശേഷം മൊഴി രേഖപ്പെടുത്തി. പ്രതികൾ ഉപയോഗിച്ച കാർ പൊലീസ് കസ്റ്റഡിയിലെടുത്തു.

Leave A Reply
error: Content is protected !!