ക്രിമിനല്‍ കേസുകളില്‍ പ്രതിയായ നടന്‍ കണ്ണന്‍ പട്ടാമ്ബി പോലീസിനെ വെട്ടിച്ച്‌ മുങ്ങി

ക്രിമിനല്‍ കേസുകളില്‍ പ്രതിയായ നടന്‍ കണ്ണന്‍ പട്ടാമ്ബി പോലീസിനെ വെട്ടിച്ച്‌ മുങ്ങി

കോഴിക്കോട്; നിരവധി ക്രിമിനല്‍ കേസുകളില്‍ പ്രതിയായ നടന്‍  കണ്ണന്‍ പട്ടാമ്ബി പോലീസ് നിരീക്ഷണത്തിലിരിക്കെ മുങ്ങി.

കോടതിയുടെ വിലക്ക് ലംഘിച്ച്‌ പാലക്കാട് ജില്ലയിലെ തൃത്താലയിലെ വീട്ടിലെത്തിയ ശേഷം കോഴിക്കോട് ബേബി മെമ്മോറിയല്‍ ആശുപത്രിയില്‍ ചികിത്സയിലിരിക്കെയാണ് കണ്ണന്‍ മുങ്ങിയത്.

ഹൈക്കോടതിയില്‍ നിന്നും രണ്ട് കേസുകളില്‍ ജാമ്യം ലഭിക്കാതിരുന്ന ഇയാള്‍ മൂന്ന് മാസത്തോളം പോലീസിനെ വെട്ടിച്ച്‌ നടന്നതിന് ശേഷമാണ് കോഴിക്കോട്ടെ ആശുപത്രിയില്‍ ചികിത്സ തേടിയത്. വിവരമറിഞ്ഞെത്തിയ പട്ടാമ്ബി പോലീസിന്റെ നിരീക്ഷണത്തിലാണ് ഇയാള്‍ ആശുപത്രിയില്‍ കഴിഞ്ഞ് വന്നിരുന്നത്.

ആശുപത്രിയിലായതിനെ തുടര്‍ന്ന് ജാമ്യം തേടി കോടതിയെ സമീപിച്ച കണ്ണന് ഈ മാസം ആറ് വരെ താല്‍ക്കാലിക ജാമ്യം അനുവദിച്ചതോടെ പോലീസ് പിന്‍മാറിയിരുന്നു .6 ന് കേസ് വീണ്ടും പരിഗണിച്ച കോടതി കണ്ണന്റെ താല്‍ക്കാലിക ജാമ്യം റദ്ദ് ചെയ്യുകയും സ്വന്തം ജില്ലയായ പാലക്കാട് കടക്കരുതെന്ന് വിലക്കുകയും ചെയ്തിരുന്നു.

കോടതി ജാമ്യം റദ്ദ് ചെയ്യുകയും പ്രതി നിരീക്ഷണത്തിലുണ്ടെന്ന് പോലീസ് കോടതിയെ അറിയിക്കുകയും ചെയ്ത സാഹചര്യത്തിലാണ് കണ്ണന്‍ ആശുപത്രിയില്‍ നിന്നും മുങ്ങിയിരിക്കുന്നത്.

Leave A Reply
error: Content is protected !!