അമ്മയിൽ നിന്ന് കുഞ്ഞിനെ തട്ടിയെടുത്ത സംഭവം; ദത്ത് നൽകുന്നതിന് മുന്നോടിയായുള്ള പത്രപരസ്യം പുറത്ത്

അമ്മയിൽ നിന്ന് കുഞ്ഞിനെ തട്ടിയെടുത്ത സംഭവം; ദത്ത് നൽകുന്നതിന് മുന്നോടിയായുള്ള പത്രപരസ്യം പുറത്ത്

തിരുവനന്തപുരം: പേരൂർക്കട സ്വദേശിയായ യുവതിയിൽ  നിന്ന് കുഞ്ഞിനെ വേർപെടുത്തിയ സംഭവത്തിൽ കുഞ്ഞിനെ ദത്ത് നൽകിയത് എല്ലാ നടപടികളും പാലിച്ചെന്ന് സൂചന നൽകുന്ന പത്രപരസ്യം പുറത്ത്.

ശിശു സംരക്ഷണ ഓഫിസർ നൽകിയ പത്രപരസ്യമാണ് പുറത്തുവന്നിരിക്കുന്നത്. കുഞ്ഞിനെ അമ്മത്തൊട്ടിലിൽ ലഭിച്ചത് 2020 ഒക്ടോബർ 23നാണെന്നും പരസ്യത്തിൽ വ്യക്തമാക്കുന്നു.

അതിനിടെ ജനന സർട്ടിഫിക്കറ്റിൽ കുട്ടിയുടെ പിതാവിന്റെ പേരും, മാതാപിതാക്കളുടെ മേൽവിലാസവും തെറ്റായിട്ടാണ് രേഖപ്പെടുത്തിയിരിക്കുന്നതെന്ന് കണ്ടെത്തി. കട്ടാക്കടയിലെ സ്വകാര്യ ആശുപത്രിയിൽ പ്രസവ സമയത്ത് നൽകിയ വിവരമനുസരിച്ചാണ് കാട്ടാക്കട ഗ്രാമപഞ്ചായത്ത് ജനനസർട്ടിഫക്കറ്റ് തയ്യാറാക്കിയത്. കുട്ടിയുടെ പിതാവിന്റെ സ്ഥാനത്തു നൽകിയിരിക്കുന്നത് ജയകുമാർ എന്ന പേരാണ്. അനുപമയുടെയും അജിത്തിന്റെയും സ്ഥിരമായ മേൽവിലാസം പേരൂർക്കട ആയിരുന്നിട്ടും മറ്റൊരു മേൽവിലാസമാണ് രേഖപ്പെടുത്തിയിരിക്കുന്നത്. അമ്മയിൽ നിന്നു കുഞ്ഞിനെ വേർപ്പെടുത്താൻ ആസൂത്രിതമായി ഇടപെട്ടു എന്നത് തെളിയിക്കുന്നതാണ് രേഖകൾ.

Leave A Reply
error: Content is protected !!