ഹൈഡ്രജന്റെ ഉൽപാദനവും കയറ്റുമതിയും കൂട്ടാനൊരുങ്ങി യുഎഇ

ഹൈഡ്രജന്റെ ഉൽപാദനവും കയറ്റുമതിയും കൂട്ടാനൊരുങ്ങി യുഎഇ

ദുബായ് ; ഹൈഡ്രജന്റെ ഉൽപാദനവും കയറ്റുമതിയും കൂട്ടാനുള്ള ബൃഹദ് പദ്ധതി യുഎഇയുടെ സജീവ പരിഗണനയിൽ. രാജ്യാന്തര തലത്തിൽ ആവശ്യം കൂടിയ സാഹചര്യം അനുകൂലമാക്കാനും ആഭ്യന്തര ഉപയോഗം വർധിപ്പിക്കാനുമാണ് നീക്കം. ദുബായുടെ മൊത്തം ആഭ്യന്തര ഉൽപാദനത്തിൽ പ്രതിവർഷം 3,200 കോടി ദിർഹത്തിന്റെ വളർച്ചയ്ക്കു വഴിയൊരുക്കുമെന്നതിനു പുറമേ 1.2 ലക്ഷം തൊഴിലവസരങ്ങളൊരുങ്ങുമെന്നും ദുബായ് ഫ്യൂച്ചർ ഫൗണ്ടേഷൻ (ഡിഎഫ്എഫ്) വ്യക്തമാക്കി.

സൗരോർജത്തിൽ നിന്നു ഹൈഡ്രജൻ ഉൽപാദിപ്പിക്കാൻ ദുബായ് മുഹമ്മദ് ബിൻ റാഷിദ് അൽ മക്തൂം സോളർ പാർക്കിൽ തുടക്കമിട്ട പദ്ധതി വിപുലമാക്കും.പ്രതിവർഷം 3 ലക്ഷം ടൺ ഹൈഡ്രജൻ അബുദാബി നാഷനൽ ഓയിൽ കമ്പനി (അഡ്നോക്) ഉൽപാദിപ്പിക്കുന്നതായാണ് കണക്ക്. ഊർജ-അടിസ്ഥാന സൗകര്യ വികസന മന്ത്രാലയം, പരിസ്ഥിതി-കാലാവസ്ഥാ മാറ്റ മന്ത്രാലയം, ദുബായ് ഇലക്ട്രിസിറ്റി ആൻഡ് വാട്ടർ അതോറിറ്റി (ദീവ) എന്നിവയുടെ പങ്കാളിത്തത്തോടെ കൂടുതൽ പദ്ധതികൾ ആരംഭിക്കും.

Leave A Reply
error: Content is protected !!