11 മില്യൺ കാഴ്ച്ചക്കാരുമായി ശ്രീവല്ലി ഗാനം യൂട്യൂബിൽ തരംഗമാകുന്നു

11 മില്യൺ കാഴ്ച്ചക്കാരുമായി ശ്രീവല്ലി ഗാനം യൂട്യൂബിൽ തരംഗമാകുന്നു

സുകുമാര്‍ സംവിധാനം ചെയ്യുന്ന അല്ലു അർജുൻ ചിത്രം പുഷ്പയിലെ രണ്ടാമത്തെ ഗാനം ഇന്നലെ റിലീസ് ചെയ്തു. ശ്രീവല്ലി എന്ന ഗാനത്തിൻറെ ലിറിക്കൽ വീഡിയോ ആണ് പുറത്തിറങ്ങിയത്. ഇപ്പോൾ ഗാനം 11 മില്യൺ കാഴ്ച്ചക്കാരുമായി യൂട്യൂബിൽ തരംഗമായിരിക്കുകയാണ്.

ചിത്രത്തിൽ  വില്ലൻ കഥാപാത്രമായ ബന്‍വാര്‍ സിങ് ഷേക്കാവത്ത് ഐപിഎസ് എന്ന പൊലീസ് ഉദ്യോഗസ്ഥനായി ഫഹദ് എത്തുന്നു. കള്ളക്കടത്തുകാരനായ പുഷ്പരാജായി അല്ലുവും.250 കോടി ബജററ്റിയുള്ള ചിത്രത്തിൽ 70 കോടി രൂപയാണ് അല്ലു പ്രതിഫലമായി വാങ്ങിയതെന്നാണ് പുറത്തുവരുന്ന റിപ്പോര്‍ട്ടുകള്‍. ചിത്രം ഡിസംബർ 17ന് തീയറ്ററിൽ പ്രദർശനത്തിന് എത്തും.

തെലുങ്കിനൊപ്പം തമിഴ്, ഹിന്ദി, കന്നഡ, മലയാളം എന്നീ ഭാഷകളിലും ചിത്രം റിലീസ് ചെയ്യും. ധനഞ്ജയ്, സുനില്‍, അജയ് ഘോഷ് എന്നിവരാണ് ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

മൈത്രി മൂവി മേക്കേഴ്സിന്റെയും മുട്ടംസെട്ടി മീഡിയയുടെയും ബാനറില്‍ നവീന്‍ യെര്‍നേനിയും വൈ. രവിശങ്കറും ചേര്‍ന്നാണ് പുഷ്പ നിര്‍മിക്കുന്നത്. പോളണ്ട് സ്വദേശി മിറോസ്ലോ കുബ ബറോസ്‌ക്കാണ് ചിത്രത്തിന് വേണ്ടി ക്യാമറ ചലിപ്പിയ്ക്കുന്നത്. ദേവി ശ്രീ പ്രസാദാണ് ചിത്രത്തിന്റെ സംഗീതം സംവിധാനവും സൗണ്ട് ട്രാക്കും നിര്‍വഹിക്കുന്നത്. ഓസ്‌കര്‍ ജേതാവ് റസൂല്‍ പൂക്കുട്ടി സൗണ്ട് ഡിസൈന്‍. ചിത്രസംയോജനം കാര്‍ത്തിക് ശ്രീനിവാസ്. പീറ്റര്‍ ഹെയ്‌നും രാം ലക്ഷമണുമാണ് ചിത്രത്തിന്റെ ഫൈറ്റ് മാസ്റ്റേഴ്‌സ്.

Leave A Reply
error: Content is protected !!