കാട്ടാന വൈദ്യുതാഘാതമേറ്റ് ​െചരിഞ്ഞ സംഭവത്തിൽ പ്രതി അറസ്​റ്റിൽ

കാട്ടാന വൈദ്യുതാഘാതമേറ്റ് ​െചരിഞ്ഞ സംഭവത്തിൽ പ്രതി അറസ്​റ്റിൽ

കാട്ടാന വൈദ്യുതാഘാതമേറ്റ് ​െചരിഞ്ഞ സംഭവത്തിൽ പ്രതി അറസ്​റ്റിൽ. ചിന്നക്കനാൽ 301 കോളനിയിൽ പാൽക്കുളംകുടിയിൽ സുരേഷാണ്​ (41) അറസ്​റ്റിലായത്.

​ സുരേഷി​െൻറ വീടിന് സമീപത്തെ കാട്ടിൽ 45വയസ്സുള്ള പിടിയാനയെ ആഗസ്​റ്റ്​ 13ന്​ പുലർച്ചയാണ് ഷോക്കേറ്റ്​ ​െചരിഞ്ഞ നിലയിൽ ക​ണ്ടെത്തിയത്​. കാട്ടുമൃഗങ്ങളെ തടയാൻ സ്ഥാപിച്ച സോളാർ വേലിയിലേക്ക് വൈദ്യുതി ഉയർന്ന തോതിൽ കടത്തിവിട്ടാണ് ആനയെ കൊലപ്പെടുത്തിയത്. വനപാലകർ സുരേഷി​െൻറ വീട്ടിൽനിന്ന്​ കേബിളുകൾ കണ്ടെടുത്തിരുന്നു.

പ്രതി ഒളിവിൽ പോയതോടെ പിടികൂടാൻ കഴിഞ്ഞില്ല മുൻകൂർ ജാമ്യത്തിനും ശ്രമിച്ചിരുന്നു. എറണാകുളത്തും ചാറ്റുപാറയിലുമായി ഒളിവിൽ കഴിഞ്ഞശേഷം തിങ്കളാഴ്ച രാത്രി കോളനിയിൽ സുഹൃത്തി​െൻറ വീട്ടിൽ സൂക്ഷിച്ചിരുന്ന ബൈക്ക് എടുക്കാൻ എത്തിയ​തറിഞ്ഞാണ്​ വനപാലകർ പിടികൂടിയത്​. അറസ്​റ്റിലായ സുരേഷി​െൻറ വീട്ടിൽനിന്ന്​ ബാക്കി കേബിൾ കൂടി കണ്ടെത്തി. നെടുംകണ്ടം കോടതി പ്രതിയെ റിമാൻഡ് ചെയ്തു.

Leave A Reply
error: Content is protected !!