റവന്യൂ സേവനങ്ങൾ കുറ്റമറ്റതാക്കും; അഴിമതി വച്ചുപൊറുപ്പിക്കില്ല- റവന്യൂ മന്ത്രി കെ രാജൻ

റവന്യൂ സേവനങ്ങൾ കുറ്റമറ്റതാക്കും; അഴിമതി വച്ചുപൊറുപ്പിക്കില്ല- റവന്യൂ മന്ത്രി കെ രാജൻ

തിരുവനന്തപുരം:  വില്ലേജ് ഓഫീസുകളില്‍ അഴിമതി വച്ചുപൊറുപ്പിക്കില്ലെന്ന് റവന്യൂ മന്ത്രി കെ രാജൻ. അഴിമതിയെന്നാൽ പണം വാങ്ങൽ മാത്രമല്ല. ഒരു ആവശ്യത്തിന് എത്തുന്ന ജനങ്ങളെ പല തവണ വരുത്തി ബുദ്ധിമുട്ടിക്കുന്നതും അഴിമതിയാണെന്ന് അദ്ദേഹം കൂട്ടിച്ചേര്‍ത്തു.

എല്ലാ വില്ലേജ് ഓഫീസുകളും സ്മാർട്ടാക്കും. പുതിയ കെട്ടിടങ്ങൾ മാത്രമല്ല ഉദ്ദേശ്യം. സേവനങ്ങളും സ്മാർട്ടാക്കേണ്ടി വരും, മന്ത്രി പറഞ്ഞു.

റവന്യൂ സേവനങ്ങൾ ജനങ്ങൾക്ക് അനുഭവഭേദ്യമാക്കുന്നത് വില്ലേജ് ഓഫീസുകളിലൂടെയാണെന്നും വില്ലേജ് ഓഫീസുകളുടെ കാര്യക്ഷമത വർദ്ധിപ്പിക്കേണ്ടത് അനുവാര്യതയാണെന്നും മുഖ്യമന്ത്രി പിണറായി വിജയനും പറഞ്ഞു. . കലാനുസൃതമായ മാറ്റങ്ങളോട് ജീവനക്കാർ പൊരുത്തപ്പെടാൻ തയ്യാറാകണം. വില്ലേജ് ഓഫീസുകളിൽ ഗുണപരമായ മാറ്റം അനുവാര്യമാണെന്നും മുഖ്യമന്ത്രി പറഞ്ഞു.

സംസ്ഥാനത്തെ വില്ലേജ് ഓഫീസർമാരുമായി ഓൺലൈനായി നടത്തിയ കൂടിക്കാഴ്ച്ചയില്‍ സംസാരിക്കുകയായിരുന്നു ഇരുവരും. യോഗത്തില്‍ കേരളത്തിലെ 1600 ഓളം വില്ലേജ് ഓഫീസർമാരാണ് പങ്കെടുക്കുന്നത്.

Leave A Reply
error: Content is protected !!