ഇലോൺ മസ്‌ക് കൈവിട്ടു ; ബിറ്റ്‌കോയിന്റെ മൂല്യം കുത്തനെ ഇടിഞ്ഞു

ഇലോൺ മസ്‌ക് കൈവിട്ടു ; ബിറ്റ്‌കോയിന്റെ മൂല്യം കുത്തനെ ഇടിഞ്ഞു

ലോകത്തിലെ ഏറ്റവും മൂല്യവത്തായ വാഹന നിർമാതാക്കളാണ്​ ടെസ്​ല. ‘ടെസ് ല ‘യുടെ ചീഫ് എക്‌സിക്യുട്ടീവ് ഓഫീസറും ശതകോടീശ്വരനുമായ ഇലോൺ മസ്‌ക് കയ്യൊഴിഞ്ഞതോടെ ബിറ്റ്‌കോയിന്റെ മൂല്യം കൂപ്പ് കുത്തി . ബി്റ്റ്‌കോയിൻ ഉപയോഗിച്ച് ‘ടെസ് ല’യുടെ ഇലക്ട്രിക് വാഹനങ്ങൾ ഇനി വാങ്ങാൻ കഴിയില്ലെന്നാണ് റിപ്പോർട്ട് .

ബിറ്റ്‌കോയിൻ ഖനനത്തിന് ജൈവ ഇന്ധനം വൻതോതിൽ ഉപയോഗിക്കേണ്ടിവരുന്നുണ്ടെന്നതാണ് മാസ്കിന്റെ പിന്മാറ്റത്തിന് കാരണം . കഴിഞ്ഞ ദിവസമാണ് ഇലോൺ മസ്‌ക് ട്വിറ്ററിലൂടെ നയംവ്യക്തമാക്കിയത്. ഖനനത്തിന് താരതമ്യേന കുറച്ച് ഊർജംമാത്രം ഉപയോഗിക്കുന്ന മറ്റ് ക്രിപ്‌റ്റോകറൻസികൾ സ്വീകരിക്കുമെന്നും അദ്ദേഹം വ്യക്തമാക്കി.

ഇതോടെ ലോകത്തെ ഏറ്റവും വലിയ ക്രിപ്‌റ്റോ കറൻസിയായ ബിറ്റ്‌കോയിന്റെ മൂല്യം തുടർച്ചയായി രണ്ടാം ദിവസവും കുത്തനെ ഇടിഞ്ഞു.

നിലവിൽ 50,000 ഡോളറിന് താഴെയാണ് ഒരു ബിറ്റ്‌കോയിന്റെ മൂല്യം. 60,000 ഡോളറായിരുന്നു ഒരാഴ്ചമുമ്പ് ബിറ്റ്‌കോയിന്റെ വില. പിന്മാറ്റം സംബന്ധിച്ച മസ്‌കിന്റെ ട്വീറ്റ് പുറത്തുവന്നതോടെ നിക്ഷേപകർ വൻതോതിൽ വിറ്റൊഴിഞ്ഞതാണ് മൂല്യതകർച്ചക്ക് കാരണമായത് .അതേസമയം, കൈവശമുള്ള ബിറ്റ്‌കോയിനുകൾ ഒഴിവാക്കില്ലെന്നും ഇലോൺ മസ്‌ക് വ്യക്തമാക്കിയിട്ടുണ്ട്.

Leave A Reply
error: Content is protected !!