ഹൈന്ദവ വിശ്വാസങ്ങൾ സംരക്ഷിക്കപ്പെടണമെന്നത് മഹാപാതകമായി സിപിഎം ചിത്രീകരിക്കുന്നു : കേന്ദ്ര മന്ത്രി

ഹൈന്ദവ വിശ്വാസങ്ങൾ സംരക്ഷിക്കപ്പെടണമെന്നത് മഹാപാതകമായി സിപിഎം ചിത്രീകരിക്കുന്നു : കേന്ദ്ര മന്ത്രി

ന്യൂഡൽഹി : തെരെഞ്ഞെടുപ്പ് വിജയ ലഹരിയിൽ എൻ.എസ്.എസിനുമേൽ സിപിഎമ്മും അണികളും നടത്തുന്ന വിമർശനങ്ങളെ ശക്തമായി അപലപിക്കുന്നതായി കേന്ദ്ര മന്ത്രി വി.മുരളീധരൻ.

എൻ.എസ്.എസ് ജനറൽ സെക്രട്ടറി സുകുമാരൻ നായരെ ഒറ്റ തിരിഞ്ഞ് ആക്രമിക്കാൻ അനുവദിക്കില്ല.ശബരിമല വിഷയത്തിൽ വിശ്വാസികളുടെ ശബ്ദമായതിനാലാണ് സുകുമാരൻ നായർ ആക്രമിക്കപ്പെടുന്നത്. സുകുമാരൻ നായരടക്കം ആർക്കും രാഷ്ട്രീയ നിലപാടുകൾ പറയാൻ സ്വാതന്ത്ര്യവും അവകാശവുമുള്ള രാജ്യമാണ് ഇന്ത്യ.
.മുരളീധരൻ പറഞ്ഞു .

ഹൈന്ദവ ആചാരങ്ങളും വിശ്വാസങ്ങളും സംരക്ഷിക്കപ്പെടണം എന്നാവശ്യപ്പെടുന്നത് മഹാപാതകമായി ചിത്രീകരിക്കാനാണ് സിപിഎമ്മിന്റെ ശ്രമo . ശബരിമല വിഷയത്തിൽ കടകംപള്ളിയുടെയും മറ്റ് നേതാക്കളുടെയും മാപ്പപേക്ഷയും മുതലക്കണ്ണീരും വഞ്ചനയായിരുന്നു എന്നതിന്റെ തെളിവാണ് എൻ.എസ്.എസിനു മേലുള്ള ആക്രമണം.മുരളീധരൻ ആരോപിച്ചു .

സാമുദായിക ചേരിതിരിവുണ്ടാക്കിയാണ് ഇടത് വിജയമെന്ന യാഥാർഥ്യം എല്ലാവർക്കുമറിയാം.തീവ്ര മുസ്ലീം, ജിഹാദി സംഘടനകളുടെ രാഷ്ട്രീയ, സാമ്പത്തിക പിന്തുണയിൽ നേടിയ വിജയം സിപിഎമ്മിനെ ലഹരിപിടിപ്പിച്ചിരിക്കുന്നു.ഹൈന്ദവ വിശ്വാസികൾക്കും ആചാരങ്ങൾക്കും മേൽ വരാനിരിക്കുന്ന കടന്നാക്രമണങ്ങളുടെ തുടക്കമാണ് സുകുമാരൻ നായരുടെ മേൽ നടത്തുന്നത്. ഇത് തുറന്നു പറയുന്ന തന്നെ വർഗീയ വാദിയായി ചിത്രീകരിക്കാൻ മുന്നിട്ടിറങ്ങുന്നത് കോൺഗ്രസായിരിക്കുമെന്ന് അറിയമെന്നും
മന്ത്രി കൂട്ടിച്ചേർത്തു .

കാലങ്ങളായി പാലു കൊടുത്ത കയ്യിൽ ചിലർ കടിച്ചതാണ് കേരളത്തിലെ ദയനീയ പരാജയത്തിന് കാരണമെന്ന് കോൺഗ്രസും തിരിച്ചറിയണം. ഇനിയെങ്കിലും മുസ്ലീം സഹോദരങ്ങളെ വോട്ട് ബാങ്കായി മാത്രം കാണുന്ന വിഷ ലിപ്ത രാഷ്ട്രീയം അവസാനിപ്പിക്കാൻ ഇരുകൂട്ടരും തയാറാവണമെന്നും വി.മുരളീധരൻ പ്രസ്താവനയിൽ ആവശ്യപ്പെട്ടു.

Leave A Reply
error: Content is protected !!